ନନ୍ଦିଘୋଷ ବ୍ୟୁରୋ; ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ଟ୍ବିନ୍ ସିଟିରେ ବନ୍ଦ ରହିବ ବିଭିନ୍ନ ଅନଲାଇନ ସଂସ୍ଥାର ଅଟୋ ଓ ଟ୍ୟାକ୍ସି ସେବା । ଆନ୍ଦୋଳନର ଆହ୍ୱାନ ଦେଲା ରାଜ୍ୟ ଅନଲାଇନ ଚାଳକ ମଞ୍ଚ । ଓଲା, ଉବର, ରାପିଡୋ ଚାଳକମାନଙ୍କୁ କମ୍ପାନୀ ଶୋଷଣ କରୁଥିବା ଅଭିଯୋଗ ଦର୍ଶାଇ ଆନ୍ଦୋଳନକୁ ଓହ୍ଲାଇବ ବୋଲି ସଂଘ ଚେତାବନୀ ଦେଇଛି । ଏହାର ପ୍ରତିବାଦରେ କଟକ ଏବଂ ଭୁବନେଶ୍ବରରେ ସମ୍ପୂର୍ଣ୍ଣ ସେବା ସ୍ଥଗିତ କରାଯିବ ବୋଲି କହିଛି ସଂଘ । ଏହି ଆନ୍ଦୋଳନ କୌଣସି ଗୋଟିଏ ସଂଗଠନର ନୁହେଁ, ବରଂ ସମଗ୍ର ଅନଲାଇନ୍ ଡ୍ରାଇଭର ସମାଜର ହକ୍, ସ୍ୱାଭିମାନ ଏବଂ ମର୍ଯ୍ୟାଦ ପାଇଁ ଆରମ୍ଭ କରାଯାଇଛି ବୋଲି କହିଛି ସଂଘ ।
