ନନ୍ଦିଘୋଷ ବ୍ୟୁରୋ: ସାରା ଦେଶରେ ବ୍ୟବହାର ହେଉଥିବା E20 ପେଟ୍ରୋଲ ସମ୍ପର୍କରେ ଗୁରୁତ୍ୱପୂର୍ଣ୍ଣ ସୂଚନା ସାମ୍ନାକୁ ଆସିଛି। ଯଦି ଗାଡିଟି E20-ନିୟମ ମାନୁନଥିବ, ତେବେ ମାଇଲେଜ୍ ହ୍ରାସ ପାଇପାରେ। NITI ଆୟୋଗର ଇଥାନଲ୍ ମିଶ୍ରଣ ଯୋଜନାର ତଥ୍ୟ ଅନୁସାରେ, ଲ୍ୟାବ ପରୀକ୍ଷା ଏବଂ ଇଞ୍ଜିନିୟରିଂ ଗବେଷଣା ଦେଖାଉଛି ଯେ ନିୟମିତ ପେଟ୍ରୋଲକୁ E20 ଇନ୍ଧନ ସହିତ ବଦଳାଇଲେ ଯାନବାହନର ମାଇଲେଜ୍ ପ୍ରାୟ 6% ରୁ 10% ହ୍ରାସ ପାଇବାର ସମ୍ଭାବନା ଥାଏ ।
ବିଶେଷଜ୍ଞମାନେ ମତ ଦିଅନ୍ତି ଯେ ପ୍ରକୃତ ରାସ୍ତାରେ ଗାଡି ଚାଳନା ସମୟରେ ଇନ୍ଧନ ମାଇଲେଜରେ 7% ରୁ 8% ହ୍ରାସ ପ୍ରାୟତଃ ପରିଲକ୍ଷିତ ହୁଏ। ଯଦି ଇଞ୍ଜିନକୁ E20 ଇନ୍ଧନ ପାଇଁ ନିର୍ଦ୍ଦିଷ୍ଟ ଭାବରେ କ୍ୟାଲିବ୍ରେଟ୍ କରାଯାଇ ନାହିଁ, ତେବେ ଇନ୍ଧନ ମାଇଲେଜରେ ହ୍ରାସ ଆହୁରି ଅଧିକ ହୋଇପାରେ।
E20 ପେଟ୍ରୋଲ କ‘ଣ?
E20 ପେଟ୍ରୋଲ ହେଉଛି ଏକ ଇନ୍ଧନ ଯାହା 20% ଇଥାନଲ୍ ଏବଂ 80% ପେଟ୍ରୋଲ ସହିତ ମିଶ୍ରିତ ହୋଇଥାଏ। । ଇଥାନଲ୍ ଏକ ପ୍ରକାରର ଜୈବ ଇନ୍ଧନ। ଭାରତରେ, ଏହା ମୁଖ୍ୟତଃ ଆଖୁ, ମକା ଏବଂ ଭଙ୍ଗା ଚାଉଳ ଭଳି କୃଷି ଉତ୍ପାଦରୁ ଉତ୍ପାଦିତ ହୁଏ। ।
ଦେଶରେ ଧୀରେ ଧୀରେ E20 ଇନ୍ଧନ ବ୍ୟବହାର ବାଧ୍ୟତାମୂଳକ କରାଯାଉଛି । ସରକାର 1 ଏପ୍ରିଲ, 2026 ରୁ ସମସ୍ତ ରାଜ୍ୟ ଏବଂ କେନ୍ଦ୍ରଶାସିତ ଅଞ୍ଚଳରେ ତୈଳ ବିପଣନ କମ୍ପାନୀ ପାଇଁ E20 ପେଟ୍ରୋଲ ଯୋଗାଣ ଏବଂ ବିକ୍ରୟକୁ ବାଧ୍ୟତାମୂଳକ କରିଛନ୍ତି। ଭବିଷ୍ୟତର ଆବଶ୍ୟକତା ପୂରଣ କରିବା ପାଇଁ ସରକାର ଏବେ E25, E27 ଏବଂ E30 ଭଳି ଅଧିକ ଇଥାନଲ୍-ମିଶ୍ରିତ ଇନ୍ଧନ ବ୍ୟବହାର କରିବାକୁ ପ୍ରସ୍ତୁତରେ ଲାଗିପଡିଛନ୍ତି ।
ଇଥାନଲର ଲାଭ;
ଭାରତ ସରକାର ମୁଖ୍ୟତଃ ବିଦେଶ ମୁଦ୍ରା ସଞ୍ଚୟ କରିବା, କୃଷକଙ୍କ ଆୟ ବୃଦ୍ଧି କରିବା ଏବଂ ପରିବେଶ ପ୍ରଦୂଷଣ ହ୍ରାସ କରିବା ପାଇଁ ପେଟ୍ରୋଲ ସହିତ ଇଥାନଲ ମିଶ୍ରଣ ଉପରେ ଗୁରୁତ୍ୱ ଦେଉଛନ୍ତି। ସମ୍ପ୍ରତି, କେନ୍ଦ୍ର ପେଟ୍ରୋଲିୟମ ମନ୍ତ୍ରୀ ହରଦୀପ ସିଂହ ପୁରୀ କହିଛନ୍ତି ଯେ ଇଥାନଲକୁ ପ୍ରୋତ୍ସାହିତ କରିବା ଦ୍ୱାରା ୨୦୧୪-୧୫ ରୁ ମଇ ୨୦୨୬ ମଧ୍ୟରେ ଦେଶକୁ ୧.୯୦ ଲକ୍ଷ କୋଟି ଟଙ୍କାରୁ ଅଧିକ ବିଦେଶ ମୁଦ୍ରା ସଞ୍ଚୟ ହୋଇଛି। ଏହା କୃଷକମାନଙ୍କ ପାଇଁ ୧.୬୦ ଲକ୍ଷ କୋଟି ଟଙ୍କା ଆୟ ମଧ୍ୟ କରିଛି ।
