ନନ୍ଦିଘୋଷ ବ୍ୟୁରୋ : ଏକ୍ସପାଏରୀ ମେଡିସିନ ଖାଇ ଆଶାକର୍ମୀଙ୍କ ଝିଅ ମୃତ । କେନ୍ଦୁଝର ଜିଲ୍ଲା ବାଂଶପାଳ ବ୍ଲକ ସିଂପୁର ପଞ୍ଚାୟତ ତଳବରଡ଼ା ଗାଁର ଘଟଣା। ଆଶାକର୍ମୀ ଶ୍ରୀଦେବୀ ନାଏକଙ୍କ ୧୧ବର୍ଷୀୟ ଝିଅ ହୀରାମଣି ନାଏକଙ୍କର ଏକ୍ସପାଏରୀ ମେଡିସିନ ଖାଇ ମୃତ୍ୟୁ ହୋଇଥିବା ଅଭିଯୋଗ ହୋଇଛି । ଗତ ଗୁରୁବାର ସନ୍ଧ୍ୟାରେ ଆଶାକର୍ମୀଙ୍କ ଝିଅ ହୀରାମଣୀ ଓ ୧୩ ବର୍ଷୀୟ ପୁଅ ଗଗନ ନାଏକଙ୍କୁ ଜ୍ଵର ହୋଇଥିଲା । ଆଶାକର୍ମୀ ସିଂପୁର ANM ସେଣ୍ଟରରୁ ଔଷଧ ଆଣି ଉଭୟଙ୍କୁ ଦେଇଥିଲେ । ଏହି ମେଡିସିନ୍ ର ୨ ଡୋଜ୍ ଉଭୟଙ୍କୁ ଦେବାପରେ ସେମାନେ ଗୁରୁତର ହୋଇ ପଡ଼ିଥିଲେ । ସେମାନଙ୍କୁ ପ୍ରଥମେ ବାଂଶପାଳ ଓ ପରେ କେନ୍ଦୁଝର ସ୍ଥାନାନ୍ତର କରାଯାଇଥିଲା । ସେଠାରେ ସୋମବାର ସକାଳେ ହୀରାମଣି ନାଏକଙ୍କର ମୃତ୍ୟୁ ଘଟିଛି । ସିଂପୁର ANM ସେଣ୍ଟରର ଏକ୍ସପାଏରୀ ମେଡିସିନ ଖାଇ ମୃତ୍ୟୁ ହୋଇଥିବା ଅଭିଯୋଗ ହୋଇଛି। ଏକ୍ସପାଏରୀ ମେଡିସିନ ଦେଇଥିବା ANM ଦିଦିଙ୍କ ପ୍ରତି ଦୃଢ଼ କାର୍ଯ୍ୟାନୁଷ୍ଠାନ ଦାବି କରିଛନ୍ତି ପରିବାର ।
