ଶାଳ ଫୁଲ ତୋଳାଳିଙ୍କୁ ମିଳୁନି ଉଚିତ ପ୍ରାପ୍ୟ, ଦଲାଲ ମାଲାମାଲ
ନନ୍ଦିଘୋଷ ବ୍ୟୁରୋ: ଲଘୁ ବନଜାତ ଦ୍ରବ୍ୟର ବିକ୍ରିବଟା ବ୍ୟବସ୍ଥା ନଥିବାରୁ ଉପୁଜୁଛି ସମସ୍ୟା । ଶାଳ ଫୁଲ ତୋଳାଳିଙ୍କୁ ମିଳୁନି ଉଚିତ ପ୍ରାପ୍ୟ । ମୟୂରଭଞ୍ଜ ଜିଲ୍ଲାରେ ଆଦିବାସୀମାନେ ଖରାକୁ ଖାତିର ନକରି ଜଙ୍ଗଲରୁ ଶାଳ ଫୁଲ ସଂଗ୍ରହ କରୁଛନ୍ତି । ହେଲେ ସରକାରଙ୍କ ଦୂରଦୃଷ୍ଟି ଅଭାବରୁ ହେଉଛନ୍ତି ଅଭାବୀ ବିକ୍ରିର ଶିକାର । ଏହାର ଫାଇଦା ଉଠାଉଛନ୍ତି ଦଲାଲ । ଶାଗ, ମାଛ ଦରରେ ଶାଳ ଫୁଲ କିଣି ନେଉଥିବା ଅଭିଯୋଗ ।
ଆଦିବାସୀମାନେ ଜଙ୍ଗଲରୁ ସଂଗ୍ରହ କରୁଥିବା ସାମଗ୍ରୀକୁ ଟିଡିସିସି ଜରିଆରେ ବିକ୍ରି କରିବାର ବ୍ୟବସ୍ଥା ରହିଛି । ମାତ୍ର ବିଜେପି ସରକାର ଏହି ବ୍ୟବସ୍ଥା ଉପରେ ଦୃଷ୍ଟି ଦିଆଯାଉ ନଥିବା ଅଭିଯୋଗ ହୋଇଛି । ଫଳରେ ଶାଳ ମଞ୍ଜି ସଂଗ୍ରହ କରୁଥିବା ତୋଳାଳିମାନେ ସର୍ବନିମ୍ନ ମୂଲ୍ୟ ପାଇପାରୁନାହାଁନ୍ତି ।
