ନିମାପଡା : ବଟି ମାଗି ଗାଁ ଦାଣ୍ଡରେ ଗୋଡ଼ାଇ ଗୋଡ଼ାଇ ହାଣିଲେ। ଗାଁ ମୁଖିଆ ଗୁରୁତର। ତାଙ୍କୁ ଭୁବନେଶ୍ଵର ସ୍ଥାନାନ୍ତର କରାଯାଇଛି। ଏହି ଜଘନ୍ୟକାଣ୍ଡ ହେଉଛି ପୁରୀ ଜିଲ୍ଲା ଗୋପ ଥାନା ଗିରିମା ଗାଁରେ। ଅଭିଯୁକ୍ତଙ୍କୁ ଧରିବାକୁ ପୋଲିସ ଧରପଗଡ଼ ଚଳାଇଛି। କୋଠ ନଡ଼ିଆ, ପଇଡ଼ ଓ ମାଛ ପୋଖରୀକୁ ନେଇ ଗଣ୍ଡଗୋଳ ହୋଇଥିବାରୁ ଗାଁରେ ବିବାଦ ହୋଇଥିଲା। ଗାଁ ମୁଖିଆ ଜଗମୋହନ ମଲ୍ଲିକଙ୍କ ସହିତ ଦୁଇ ଭାଇ ବେନୁଆ ଜେନା ଓ କାଦୁଆ ଜେନାଙ୍କ ବଚସା ହୋଇଥିଲା। ଏହାକୁ ନେଇ ଗାଁ ମୁଖିଆ ଜଗମୋହନ ମଲ୍ଲିକା ଥାନାରେ ଏତଲା ଦେଇଥିଲେ। ପୋଲିସ ଡାକି ଥିଲେ ବି ଅଭିଯୁକ୍ତମାନେ ଥାନାକୁ ଯାଇନଥିଲେ। ଗାଁରେ ଏକ ବୈଠକ ବି ହୋଇଥିଲା। ଦୁଇ ଅଭିଯୁକ୍ତ ଭାଇ ଗାଁ ମୁଖିଆଙ୍କୁ ଡାକିଥଲେ। ସେ ନ ଆସିବାରୁ ଖଣ୍ଡାରେ ଗୋଡ଼ାଇ ଗୋଡ଼ାଇ ହାଣିଥିଲେ। ଗାଁ ଦାଣ୍ଡରେ ସର୍ବସମ୍ମୁଖରେ ଏହି ଘଟଣା ଘଟିଥିଲା। ଜଗମୋହନ ତଳେ ପଡ଼ିଯିବା ପରେ ସେମାନେ ଫେରାର ମାରିଥିଲେ। ଗାଁ ଲୋକେ ମୁଖିଆଙ୍କୁ ଭୁବନେଶ୍ଵର ସ୍ଥାନାନ୍ତର କରିଛନ୍ତି। ତାଙ୍କ ଅବସ୍ଥା ଗୁରୁତର ଅଛି। ତାଙ୍କ ଦେହ ସାରା କ୍ଷତ । ଡାହାଣ ହାତର ବୁଢ଼ା ଆଙ୍ଗୁଠି ପୁରା କଟି ଯାଇଛି। ପୋଲିସ ଅଭିଯୁକ୍ତଙ୍କୁ ଧରିବାକୁ ଧରପଗଡ଼ ଚଳାଇଛି।
