ନନ୍ଦିଘୋଷ ବ୍ୟୁରୋ : କଣାସରେ ପୁଣି ଝାଡ଼ାବାନ୍ତି ନେଲା ମୁଣ୍ଡ । ବିନ୍ଧନ ପଞ୍ଚାୟତ ଗୋଳର ଗ୍ରାମର ୬୮ ବର୍ଷୀୟ ମହିଳା ସୁକୁମାରୀ ସାମନ୍ତରାୟଙ୍କ ମୃତ୍ୟୁ । ଆଜି ଭୁବନେଶ୍ଵରର ଏକ ଘରୋଇ ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇଛି ।ସୁକୁମାରୀ ରବିବାର ରାତିରୁ ଝାଡ଼ାବାନ୍ତିରେ ଆକ୍ରାନ୍ତ ଥିଲେ । ଗତକାଲି ପ୍ରଥମେ କଣାସ ଓ ପରେ ପୁରୀ କଲର ହସ୍ପିଟାଲକୁ ଚିକିତ୍ସା ପାଇଁ ଯାଇଥିଲେ । ସ୍ବାସ୍ଥ୍ୟ ଅବସ୍ଥା ବିଗିଡ଼ିବାରୁ ଅପରାହ୍ନରେ ଭୁବନେଶ୍ବର ନେଇଥିଲେ ପରିବାର ଲୋକେ । ଆଜି ତାଙ୍କର ମୃତ୍ୟୁ ହେଇଛି । ଦୂଷିତ ପାଣି ଝାଡ଼ାବାନ୍ତିର କାରଣ ବୋଲି କୁହାଯାଉଛି । ଦୟାନଦୀ ଜଳ ଏବେ ଜହାର ପାଲଟିଛି । ପମ୍ପ ହଉସରୁ ଜଳ ଯୋଗାଣ ହେଉଥିଲେ ବି ତାହା ସମ୍ପୂର୍ଣ ବିଶୁଦ୍ଧ ନୁହେଁ ବୋଲି ଅଭିଯୋଗ ହେଉଛି । ଗତ ବର୍ଷରୁ ଏଯାଏ ଝାଡ଼ାବାନ୍ତିରେ ପାଖାପାଖି ୧୫ ଜଣ ଲୋକ ପ୍ରାଣ ହରାଇଲେଣି । ଏବେ ପୁଣି କଣାସରେ ଝାଡ଼ାବାନ୍ତିରେ ଜଣକର ମୃତ୍ୟୁ ହେବା ପରେ ଆତଙ୍କିତ ହୋଇ ପଡ଼ିଛନ୍ତି ଲୋକେ ।
