ଭୁବନେଶ୍ବର : ଭୁବନେଶ୍ବର ସିଆରପି ମହାବୀର ମାର୍କେଟ କମ୍ପ୍ଲେକ୍ସରେ ଭୟଙ୍କର ଅଗ୍ନିକାଣ୍ଡ । ଅଗ୍ନିକାଣ୍ଡରେ ଦୋକାନ ବଜାର ଜଳି ଛାରଖାର । ମେଡିସିନ ଦୋକାନ, ପ୍ଲାଷ୍ଟିକ ଦୋକାନ, ବହି ଦୋକାନ, ଗିଫ୍ଟ ଆଇଟମ ଦୋକାନ ଆଦି ଛାରଖାର ହୋଇଛି। ଅଗ୍ନିଶମ ବାହିନୀ ପକ୍ଷରୁ ପାଣିମାଡ଼ କରାଯାଇଛି। ପ୍ରବଳ ଧୂଆଁ ଯୋଗୁ ସ୍ଥାନୀୟ ଅଞ୍ଚଳ ଧୂଆଁମୟ ହୋଇଛି। ଅନେକ ଦୋକାନୀଙ୍କ ଲକ୍ଷାଧିକ ଟଙ୍କାର ସାମଗ୍ରୀ ନଷ୍ଟ ହୋଇଯାଇଛି। ୪ ତାଲା ବିଶିଷ୍ଟ କୋଠାରେ ବ୍ୟାପକ କ୍ଷୟକ୍ଷତି ଘଟିଛି। ବଡ଼ ବଡ଼ ପାଣି ଟ୍ୟାଙ୍କରରୁ ପାଣି ମାଡ଼ କରାଯାଇଛି। ଏକ ଖେଳନା ଦୋକାନରୁ ଅଗ୍ନିକାଣ୍ଡ ଘଟିଥିବା ସୂଚନା ମିଳିଛି । ୪ଟି ଫାୟାର ଟିମ ଅଗ୍ନିକାଣ୍ଡ ରୋକିବାରେ ନିୟୋଜିତ ହୋଇଛନ୍ତି । ସର୍ଟ ସର୍କିଟରୁ ନିଆଁ ଲାଗିଥିବା ସନ୍ଦେହ କରାଯାଉଛି। ମାର୍କେଟ କମ୍ପ୍ଲେକ୍ସରେ ନିରାପତ୍ତା ଲାଗି ଅଗ୍ନିଶମ ବ୍ୟବସ୍ଥା ଥିଲା କି ନାହିଁ ତାହା ଜଣାପଡିନାହିଁ।
