ନନ୍ଦିଘୋଷ ବ୍ୟୁରୋ : ଯୁଦ୍ଧ ଭିତରେ ପୁଣି ଇରାନକୁ ଧମକାଇଛନ୍ତି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ। ଇରାନକୁ ସଂପୂର୍ଣ୍ଣ ଭାବେ ହରାଇବା ପର୍ଯ୍ୟନ୍ତ ଆକ୍ରମଣ ଚାଲିବ ବୋଲି କହିଛନ୍ତି ଟ୍ରମ୍ପ। ଇରାନ ସେନା ସମ୍ପୂର୍ଣ୍ଣ ଧ୍ୱଂସ ହୋଇଯାଇଛି। ଇରାନର ଏବେ ନୌସେନା କିମ୍ବା ବାୟୁସେନା ନାହିଁ। ଧ୍ବଂସ ହୋଇସାରିଛି ଇରାନର ୪୬ ଜାହଜ । ଏହାସହ କ୍ଷେପଣାସ୍ତ୍ର ଭଣ୍ଡାର ଏବଂ ଡ୍ରୋନ-ନିର୍ମାଣ କାରଖାନା ମଧ୍ୟ ଧ୍ୱଂସ ପାଇଛି। ଦରକାର ପଡ଼ିଲେ ଲେଜର ମିସାଇଲ ପ୍ରୟୋଗ କରିବାକୁ ଧମକାଇଛନ୍ତି ଆମେରିକା ରାଷ୍ଟ୍ରପତି। ଟ୍ରମ୍ପ ଆହୁରି ମଧ୍ୟ ଚେତାବନୀ ଦେଇ କହିଛନ୍ତି ଯେ, ଯଦି ଇରାନ କୌଣସି ଚାଲାକି କରେ ତେବେ ପରିଣାମ ଆହୁରି ଭୟାବହ ହେବ। ଦରକାର ପଡ଼ିଲେ ଇରାନକୁ ନିଶ୍ଚିହ୍ନ କରିଦେବାକୁ ଧମକ ଦେଇଛନ୍ତି ଟ୍ରମ୍ପ। ସେହିପରି ତେଲ ଯୋଗାଣରେ ବାଧା ଦେଲେ ପରିଣାମ ମଧ୍ୟ ସାଂଘାତିକ ହେବ।
