ଭାରତ ଉପରେ ମଧ୍ୟପ୍ରାଚ୍ୟ ଯୁଦ୍ଧର ପ୍ରଭାବ, ବଢ଼ିଲା ଏଲପିଜି ଗ୍ୟାସ ଦର
ନନ୍ଦିଘୋଷ ବ୍ୟୁରୋ: ଇରାନ ସହ ଆମେରିକା ଓ ଇସ୍ରାଏଲ ଯୁଦ୍ଧ ଦିନ ଗଡ଼ିବା ସହ ବିଧ୍ବଂସକ ହେବାରେ ଲାଗିଛି । ଆମେରିକା ଓ ଇସ୍ରାଏଲ ମିଶି ଇରାନ ଉପରେ ଘନ ଘନ ଆକ୍ରମଣ ଜାରି ରଖିଛନ୍ତି । ସେପଟେ ଇରାନ ପାଲଟା ଆକ୍ରମଣ କରି ଏହି ଦୁଇ ଦେଶଙ୍କ ସୖ ମିଡିଲ ଇଷ୍ଟ ଦେଶଙ୍କ ନିଦ ହଜାଇ ଦେଇଛି । ମିଡିଲ ଇଷ୍ଟର ବିଭିନ୍ନ ଦେଶରେ ଥିବା ଆମେରିକା ବେସକୁ ଟାର୍ଗେଟ କରି ଧ୍ବଂସ କରିବାରେ ଲାଗିଛି । ଆଉ ଏହାରି ଭିତିରେ ହର୍ମୁଜ ପ୍ରଣାଳୀକୁ ଇରାନ ଅବରୋଧ କରିଛି । ଯାହାର ପ୍ରଭାବ ଏବେ ତେଲ ଓ ଗ୍ୟାସ ଉପରେ ପଡ଼ିଛି । ବିଭିନ୍ନ ଦେଶରେ ତେଲ ଓ ଗ୍ୟାସର ମୂଲ୍ୟ ଅହେତୁକ ଭାବେ ବୃଦ୍ଧି ପାଇବାରେ ଲାଗିଛି । ଏମିତି ସ୍ଥିତିରେ ଭାରତରେ ଏଲପିଜି ଗ୍ୟାସର ମୂଲ୍ୟ ବଢ଼ିଛି । ଘରୋଇ ସିଲିଣ୍ଡର ପିଛା ୬୦ ଟଙ୍କା ବଢ଼ିଥିବା ବେଳେ କମର୍ସିଆଲ ରେଟ ଏକାଥରେ ୧୧୫ ଟଙ୍କା ବୃଦ୍ଧି ପାଇଛି ।
ମିଡିଲ ଇଷ୍ଟର ଦେଶଗୁଡିକ ଉପରେ ଇରାନର ଆକ୍ରମଣ ଫଳରେ ଏଲପିଜି ଉତ୍ପାଦନ କମି ଯାଇଛି । ଏହା ସହିତ ପରିବହନ ମଧ୍ୟ ପ୍ରଭାବିତ ହୋଇଛି । ହର୍ମୁଜ ପ୍ରଣାଳୀକୁ ଅବରୋଧ କରିଛି ଇରାନ। କାତାର, ଇରାକ, ସାଉଦି ଆରବ ପରି ଦେଶରେ ଏଲପିଜି ଉତ୍ପାଦନ କମିଛି । ଅନେକ କ୍ଷେତ୍ରରେ ଗ୍ଯାସ୍ ପ୍ଲାଣ୍ଟ ମଧ୍ୟ ବୋମା ମାଡ଼ରେ ଧ୍ଵଂସ ହୋଇଯାଇଛି । ଯାହା ଫଳରେ ଏଲପିଜି ଦାମ ବଢ଼ିବାରେ ଲାଗିଛି । କେବଳ ସେତିକି ନୁହେଁ, ଅନ୍ତର୍ଜାତୀୟ ବଜାରରେ ଅଶୋଧିତ ତେଲ ଦାମ ମଧ୍ୟ ବଢ଼ିଛି । ଏହା ବ୍ୟାରେଲ ପିଛା ୯୦ ଡଲାର ପାର୍ କରିଛି । ତେଣୁ ଆଗକୁ ପେଟ୍ରୋଲ ଡିଜେଲ ଦାମ ବଢ଼ିବାର ଆଶଙ୍କା ବି ଦେଖାଦେଇଛି । ଯୁଦ୍ଧ ଯଦି ଆଗକୁ ବଢ଼ିବ ତେବେ ପେଟ୍ରୋଲ, ଡିଜେଲ ଓ ଏଲପିଜି ଦାମ ଆହୁରି ବଢ଼ିବାର ଆଶଙ୍କା ରହିଛି ।
