ମୈଦାନରେ ଦମ ଦେଖାଇବେ ପୋଲିସ ବାବୁ । ହକି ଷ୍ଟାଡିୟମରେ ଚାଲିବ ଜୋରଦାର ମୁକାବିଲା । ଆରମ୍ଭ ହେଲା ରାଜ୍ୟ ପୋଲିସ ହକି ଚାମ୍ପିଅନସିପ । ରାଉରକେଲା ବିର୍ସା ମୁଣ୍ଡା ହକି ଷ୍ଟାଡିୟମରେ ଉଦଘାଟିତ ହେଲା ୭୫ ତମ ରାଜ୍ୟ ପୋଲିସ ହକି ଚାମ୍ପିଅନସିପ । ଉଦଘାଟନୀ ଉତ୍ସବରେ ପଶ୍ଚିମାଞ୍ଚଳ ପୋଲିସ ଡିଆଇଜି ଵ୍ରିଜେଶ କୁମାର ରାଏ, ରାଉରକେଲା ଏସପି ନିତେଶ ଓ୍ଵାଧଓ୍ଵାନୀ, ସୁନ୍ଦରଗଡ଼ ଏସପି ଅମ୍ରିତା କାଉର ଓ ରାଉରକେଲା ମହାନଗର ନିଗମ କମିଶନର ଦିନା ଦସ୍ତଗୀର ଅତିଥି ଭାବେ ଯୋଗ ଦେଇଥିଲେ । ୩ ଦିନ ଧରି ଅନୁଷ୍ଠିତ ହେବାକୁ ଥିବା ରାଜ୍ୟ ପୋଲିସ ହକି ଚାମ୍ପିଅନସିପରେ ୪ ଟି ପୁଲରେ ମୋଟ ୧୪ ଟି ଟିମ ଅଂଶ ଗ୍ରହଣ କରିଛନ୍ତି ।
ପୁଲ ଏ ରେ ଚତୁର୍ଥ OSAP ରାଉରକେଲା, କମିସନରେଟ୍ ବି, ସମ୍ବଲପୁର ଓ ସୁନ୍ଦରଗଡ଼ ଟିମ ଅଛନ୍ତି । ପୁଲ ବି ରେ ଷଷ୍ଠ OSAP ବାଟାଲିୟନ କଟକ, OISF ଭୁବନେଶ୍ୱର, ଅଷ୍ଟମ ବାଟାଲିୟନ ଛତ୍ରପୁର ଓ ଚତୁର୍ଥ IRBN ଦେବଗଡ ଟିମ ଅଛନ୍ତି । ପୁଲ ସି ରେ ରାଉରକେଲା, ଦ୍ଵିତୀୟ IRBN ରାୟଗଡ଼ ଓ ପୁରୀ ଟିମ ଅଛନ୍ତି । ପୁଲ ଡି ରେ କମିସନରେଟ୍ ଏ, ତୃତୀୟ ବାଟାଲିୟନ କୋରାପୁଟ ଓ କୋରାପୁଟ ଜିଲ୍ଲା ପୋଲିସ ଟିମ ଅଛନ୍ତି । ସବୁ ଟିମକୁ ନେଇ ଡ୍ରିଲ ଅନୁଷ୍ଠିତ ହୋଉଥିବାବେଳେ ବିଜୟ ନେଇ ଆଶାବାଦୀ ଖେଳାଳି । ୨୨ ତାରିଖ ଠାରୁ ୨୪ ତାରିଖ ପର୍ଯ୍ୟନ୍ତ ଅନୁଷ୍ଠିତ ହେଵାକୁ ଥିବା ୭୫ ତମ ରାଜ୍ୟ ପୋଲିସ ହକି ଚାମ୍ପିଅନସିପର ଉଦଘାଟନୀ ଉତ୍ସବରେ ରାଉରକେଲା ପୋଲିସ ଜିଲ୍ଲାର ବରିଷ୍ଠ ପୋଲିସ ଅଫିସରମାନେ ଉପସ୍ଥିତ ଥିଲେ ।
