ରାଉରକେଲା : ଜୀବନ ବଞ୍ଚାଉଛି AI କ୍ୟାମେରା । ହାତୀ-ମଣିଷ ଲଢ଼େଇରେ ଲାଗୁଛି ରୋକ୍ । ବର୍ଷକରେ ୪୬ ଦୁର୍ଘଟଣା ରୋକିବାରେ ସକ୍ଷମ । ବଞ୍ଚିଲାଣି ୨୭୦ ହାତୀଙ୍କ ଜୀବନ । ସୁନ୍ଦରଗଡ଼ ଜିଲ୍ଲାର ମହିପାଣି ସଂରକ୍ଷିତ ଜଙ୍ଗଲର AI କ୍ୟାମେରା ଯୋଗୁଁ ୩ଟି ହାତୀଙ୍କ ଜୀଵନ ସୁରକ୍ଷା କରାଯାଇଛି । ରେଲୱେ ଲାଇନ ପାର ହେଉଥିବାବେଳେ ରୋକାଯାଇ ପାରିଛି ଦୁର୍ଘଟଣା । ରାତି ୧୨ଟା ୩୩ରେ ରେଲୱେ ଫାଟକ ନିକଟରେ ଡିଟେକ୍ଟ କରିଥିଲା AI କ୍ୟାମେରା । ତୁରନ୍ତ ବନ ବିଭାଗ ପଦକ୍ଷେପ ନେଇ ୨୩ ହାତୀଙ୍କୁ ସୁରକ୍ଷିତ ଭାବେ ଜଙ୍ଗଲକୁ ଘଉଡାଇ ଦିଆଯାଇଥିଲା । AI କ୍ୟାମେରା ଯୋଗୁଁ ଏକ ବଡ଼ ଧରଣର ଟ୍ରେନ ଦୁର୍ଘଟଣା ରୋକାଯିବା ସହ ହାତୀଙ୍କ ଜୀବନ ବଞ୍ଚାଯାଇ ପାରିଛି ବୋଲି କହିଛନ୍ତି ଡିଏଫଓ ।
ରାଜ୍ୟରେ ପ୍ରଥମକରି ରାଉରକେଲା ବନଖଣ୍ଡର ୪ଟି ସ୍ଥାନରେ ଆର୍ଟିଫିସିଆଲ ଇଣ୍ଟେଲିଜେନ୍ସ ବା AI ଟାୱାର କ୍ୟାମେରା ଲଗାଯାଇଛି । ହାତୀ ଚଳାଚଳ କରୁଥିବା ଡଲାକୁଦର, କୁଚେଇତା ସୋନାଖାନ ଓ ମହିପାଣି ନିକଟରେ ୧୨୦ ଫୁଟ ଉଚ୍ଚତା ଏହି ଟାୱାର ଦ୍ବାର ୫ କିଲୋମିଟର ଦୂରର 360 ଡିଗ୍ରୀ ଦୃଶ୍ୟ ରେକର୍ଡ ହୋଇ ପାରୁଛି । ରାଉରକେଲା ଡିଏଫଓଙ୍କ କାର୍ଯ୍ୟଳୟରେ ଖୋଲାଯାଇଛି କଣ୍ଟ୍ରୋଲ ରୁମ୍ । ଏହାଦ୍ବାରା ବନ୍ୟଜନ୍ତୁଙ୍କ ଗତିବିଧି ଅନୁଧ୍ୟାନ କରାଯାଇ ହାତୀ ମଣିଷ ଲଢେଇ ରୋକା ଯାଇ ପାରୁଛି । ବର୍ଷକ ମଧ୍ୟରେ ୪୬ ଟି ଦୁର୍ଘଟଣା ରୋକାଯିବା ସହ ୨୭୦ ଟି ହାତୀଙ୍କ ଜୀବନ ବଞ୍ଚିଛି ବୋଲି କହିଛନ୍ତି ଡିଏଫଓ । AI କ୍ଯାମରା ଯୋଗୁ ହାତୀଙ୍କ ଜୀବନ ବଞ୍ଚିବା ସହ ହାତୀ-ମଣିଷ ଲଢେଇରେ ଲାଗିଛି ରୋକ ।
