ବ୍ରହ୍ମପୁର : ବ୍ରହ୍ମପୁର ବଡ ମେଡିକାଲରେ ଚିକିତ୍ସିତ ହେଉଥିବା ପୂର୍ବତନ ବିଧାୟକ ବିକ୍ରମ କୁମାର ପଣ୍ଡାଙ୍କୁ ସାକ୍ଷାତ କଲେ ବରିଷ୍ଠ ବିଜେଡ଼ିର ନେତା ଓ କର୍ମକର୍ତ୍ତା। ରାଜ୍ଯରୁ ଆସିଥିବା ନେତା ତାସହିତ ଗଞ୍ଜାମ ଜିଲ୍ଲାର ପୂର୍ବତନ ବିଧାୟକ, ବିଧାୟିକା ମାନେ ମେଡିକାଲ ଆସି ବିକ୍ରମଙ୍କ ସ୍ବାସ୍ଥ୍ୟବସ୍ଥା ପଚାରି ବୁଝିଥିଲେ। ସେପଟେ ବିକ୍ରମ ପଣ୍ଡାଙ୍କ ଜୀବନ ପ୍ରତି ବିପଦ ରହିଛି । ଏନେଇ ଉତ୍ତମ ଚିକିତ୍ସା ପାଇଁ ଏକ ବେସରକାରୀ ମେଡିକାଲ କୁ ନେବା ପାଇଁ କହିଛନ୍ତି ବିକ୍ରମଙ୍କ ଓକିଲ ଦୀପକ ପଟ୍ଟନାୟକ। ଗତକାଲି ଏମକେସିଜି ମେଡିକାଲରେ ଭର୍ତ୍ତି ହୋଇଥିଲେ ବିକ୍ରମ ପଣ୍ଡା । ଛାତି ଓ ପେଟରେ ଯନ୍ତ୍ରଣା ହେବାରୁ ବିକ୍ରମଙ୍କୁ ଏମକେସିଜି ମେଡିକାଲରେ ଭର୍ତ୍ତି କରାଯାଇଥିଲା । କଡ଼ା ସୁରକ୍ଷା ବଳୟ ମଧ୍ୟରେ ବିକ୍ରମଙ୍କୁ ବ୍ରହ୍ମପୁର ଜେଲରୁ ଏମକେସିଜି ମେଡିକାଲକୁ ଅଣାଯାଇଥିଲା । ପ୍ରଥମେ ଏମକେସିଜି ମେଡିକାଲର ଜରୁରୀକାଳୀନ ବିଭାଗରେ ବିକ୍ରମଙ୍କ ଚିକିତ୍ସା ଚାଲିବା ପରେ ୱାଡକୁ ସିଫ୍ଟ କରାଯାଇଥିଲା। ବିକ୍ରମ ଗଲ ବ୍ଲାଡର ଷ୍ଟୋନ, ପାଇଲସ୍ ଓ ଦାନ୍ତରେ ଯନ୍ତ୍ରଣା ହେବାରୁ ତାଙ୍କୁ ଗତ ୭ ଦିନ ପୂର୍ବରୁ ଏମକେସିଜି ମେଡିକାଲରେ ଭର୍ତ୍ତି କରାଯାଇଥିଲା । ଗତ 16 ତାରିଖରରେ ଏମକେସିଜି ମେଡିକାଲରୁ ଡିସଚାର୍ଜ ହେବା ସମୟରେ ଗଲ ବ୍ଲାଡର ଷ୍ଟୋନ ଅପରେସନ ପାଇଁ ବିକ୍ରମ ରାଜି ଥିବା ବେଳେ ତାଙ୍କୁ ତରବରିଆ ଭାବେ ବ୍ରହ୍ମପୁର ଜେଲକୁ ସ୍ଥାନାନ୍ତର କରାଯାଇଥିବା ନେଇ ଅଭିଯୋଗ ହୋଇଥିଲା । ଆଇନଜୀବୀ ପୀତବାସ ପଣ୍ଡା ହତ୍ୟା ଘଟଣାରେ ଗିରଫ ହୋଇଛନ୍ତି ବ୍ରହ୍ମପୁରର ପୂର୍ବତନ ବିଧାୟକ ବିକ୍ରମ ପଣ୍ଡା
