ରାଜ୍ୟରେ ବିଜେପି ସରକାର ଆସୁ ଆସୁ ରେଭେନ୍ସା ବିଶ୍ବବିଦ୍ୟାଳୟର ନାମ ପରିବର୍ତ୍ତନ କରିବାକୁ ଚର୍ଚ୍ଚା ଆରମ୍ଭ କରିଥିଲେ । ହେଲେ ବିଜେଡି ଓ ଅନ୍ୟ ସଂଗଠନ ପକ୍ଷରୁ ପ୍ରବଳ ବିରୋଧ ହେବାରୁ ଏଥିରୁ କ୍ଷାନ୍ତ ହୋଇଥିଲେ ସରକାର । ବିଜେଡି ସେତେବେଳେ ରାଜରାସ୍ତାକୁ ଆସି ବିଜେଡି ମଶାଲ ରାଲି କଲା । ବିଜେଡି ନାଁରେ ମାମଲା ରୁଜୁ କଲେ । ତଦନ୍ତ ନକରି ପ୍ରମାଣ ନଖୋଜି ଦଳୀୟ ନେତାଙ୍କ ବିରୋଧରେ ଆର୍ମସ ଆକ୍ଟ ଲଗା ଗଲା । ବିଧାୟକ ବ୍ୟୋମକେଶ ରାୟ ଓ ଜଣେ ଛାତ୍ରଙ୍କ ନାଁରେ ଆର୍ମସ ଆକ୍ଟ ପାଇଁ ମାମଲା ରୁଜୁ କରିଥିଲେ ABVP ଛାତ୍ର । ଏହାର ବିରୋଧରେ ବିଜେଡି ରାଜ୍ୟ ମାନବାଧିକାର କମିସନଙ୍କ ପାଖକୁ ଗଲା । କମିସନ ମାଲଗୋଦାମ ଥାନାକୁ ରିପୋର୍ଟ ମାଗିଲେ । ମାଲଗୋଦାମ ଥାନା ଏହାକୁ ମିଛ କେସ କହିଲା । ବିରୋଧୀ ଦଳକୁ ପୋଲିସ ଦ୍ୱାରା ସରକାର ହନ୍ତସନ୍ତ କରାଉଛନ୍ତି ।
ମାନବାଧିକାର କମିସନ ଗତ ୯ ତାରିଖରେ ପୋଲିସ ଡିଜିଙ୍କୁ ନିର୍ଦ୍ଦେଶ ଦେଲେ ଯେ ରାଜନୈତିକ ମାମଲାର ପ୍ରାଥମିକ ତଦନ୍ତ ହେବା ଦରକାର । ତାପରେ ପ୍ରମାଣ ମିଳିଲେ FIR ପଞ୍ଜୀକରଣ କରିବ । ନିର୍ଦ୍ଦୋଷଙ୍କୁ ମିଛ କେସରେ ଫସାଇ ପୋଲିସ ହଇରାଣ କରି ପାରିବେ ନାହିଁ ବୋଲି ମାନବାଧିକାର କମିସନ କହିଛନ୍ତି । ଏହାକୁ ନେଇ ବିଜେଡି ସରକାରଙ୍କୁ ଘେରିବା ସହିତ ପୋଲିସ ଡିଜିପିଙ୍କ ଆଡକୁ ଅଙ୍ଗୁଳି ଉଠାଇଛି । ଆନ୍ଦୋଳନବେଳେ ରେଭେନ୍ସାରୁ ସିସିଟିଭି କ୍ୟାମେରା କୁଆଡେ ଗଲା ? କୁଳପତିଙ୍କୁ କାହିଁକି ଫୁଟେଜ ମଗା ଗଲାନି । ପୋଲିସ ଏବେ ଗେରୁଆ ହୋଇଗଲାଣି । ସବୁକିଛି ସ୍ପଷ୍ଟ କରିଥିବାରୁ ମାନବାଧିକାର କମିସନଙ୍କୁ ଧନ୍ୟବାଦ ।
ନବୀନ ପଟ୍ଟନାୟକ ସରକାର ଆଇନ ଭାଙ୍ଗି କେବେ କାମ କରି ନଥିଲା । ରେଭେନ୍ସା ଲଢେଇରେ ବିଜେଡି ଜିତିଲା । ବିଧାନସଭାରେ ଉତ୍ତର ଆସିଲା ଯେ ନାଁ ପରିବର୍ତ୍ତନ ହୋଇପାରିବ ନାହିଁ । ମାନବାଧିକାର କମିସନଙ୍କ ନିର୍ଦ୍ଦେଶ ଆସିବା ପରେ ଡିଜିପି କ୍ଷମା ମାଗିବା ଦରକାର ବୋଲି ଦାବି କରିଛି ବିଜେଡି । କଂଗ୍ରେସ ନେତା ନିରଞ୍ଜନ ପଟ୍ଟନାୟକଙ୍କ ଘରୁ ଚୋରି ହେଲା । ସ୍ପାଇଡରକୁ ଧରିଲେ । ହେଲେ ସେ ଖସିଲା କେମିତି? ଚୋର ଖସି ଯାଉଛି । ଧର୍ଷଣକାରୀ ଖସିଯାଉଛନ୍ତି । ହେଲେ ସାଧାରଣ ଲୋକଙ୍କୁ ପୋଲିସ ହଇରାଣ କରୁଛି କହି ସରକାର ଓ ପୋଲିସକୁ ଟାର୍ଗେଟ କରିଛି ବିଜେଡି ।
