ନନ୍ଦିଘୋଷ ବ୍ୟୁରୋ: ଭାରତ ଉପରେ ଟାରିଫ ହ୍ରାସ କଲେ ଟ୍ରମ୍ପ। ଟାରିଫକୁ ୨୫ ପ୍ରତିଶତରୁ ୧୮ ପ୍ରତିଶତ କରିଛି ଆମେରିକ। ଦୁଇ ଦେଶ ମଧ୍ୟରେ ବାଣିଜ୍ୟ ଚୁକ୍ତି ହେବ ବୋଲି କହିଛନ୍ତି ଟ୍ରମ୍ପ। ଏହା ସହିତ ସେ ଆହୁରି କରିଛନ୍ତି, ଭାରତ ଆଉ ରୁଷରୁ ତେଲ କିଣିବ ନାହିଁ। ମୋଦିଙ୍କ ସହିତ ଟ୍ରମ୍ପ କଥା ହେବା ପରେ ଏହି ଘୋଷଣା କରାଯାଇଛି। ରୁଷରୁ ତେଲ କିଣୁଥିବା କହି ଆଗରୁ ଟ୍ରମ୍ପ ଭାରତ ଉପରେ ଖପ୍ପା ଥିଲେ। ଅଧିକ ଟାରିଫ ଲଗାଇଥିଲେ।
କେତେବେଲେ ୫୦ ପ୍ରତିଶତ ତ କେତେବେଳେ ଶହେ ପ୍ରତିଶତ ଟାରିଫ ଲଗାଇବାକୁ ସେ ଧମକ ଦେଉଥିଲେ। ରୁଷରୁ ଭାରତ ତେଲ କିଣୁଥିବାରୁ ରୁଷକୁ ଅର୍ଥ ମିଳୁଛି। ସେହି ଅର୍ଥରେସେ ୟୁକ୍ରେନ ଯୁଦ୍ଧ କରୁଛି ବୋଲି ଯୁକ୍ତି ବାଢ଼ି ଭାରତ ବିରୋଧରେ ଅଧିକ ଟାରିଫ ଲଗାଇଥିଲେ। ଟ୍ରମ୍ପ ଏବେ କହିଛନ୍ତି, ଭାରତ ରୁଷରୁ ତେଲ ନ କିଣି ଭେନେଜୁଏଲାରୁ କିଣିବ ପେଟ୍ରୋଲିୟମ ।
