ବାଂଲାଦେଶର ପୂର୍ବତନ ପ୍ରଧାନମନ୍ତ୍ରୀ ଶେଖ ହସିନାଙ୍କୁ ଲାଗିଛି ଏକ ବଡ଼ ଝଟକା । ବାଂଲାଦେଶର ଏକ କୋର୍ଟ ହସିନାଙ୍କୁ ୧୦ ବର୍ଷର ଜେଲଦଣ୍ଡ ଶୁଣାଣି କରିଛନ୍ତି । ଦୁଇଟି ପୃଥକ ଦୁର୍ନୀତି ମାମଲାରେ ଏହି ଦଣ୍ଡାଦେଶ ଶୁଣାଣି ହୋଇଛି । ସରକାରୀ ହାଉସିଂ ପ୍ରକଳ୍ପର ବଣ୍ଟନରେ ଦୁର୍ନୀତି ହୋଇଥିବା ନେଇ ହସିନାଙ୍କ ବିରୋଧରେ ଅଭିଯୋଗ ଆସିଥିଲା । ପ୍ରତି ମାମଲାରେ ହସିନାଙ୍କ ୫ ବର୍ଷର ଜେଲଦଣ୍ଡ ଶୁଣାଣି କରିଛନ୍ତି ଡାକା ସ୍ପେଶାଲ କୋର୍ଟ ବିଚାରପତି ।
କୋର୍ଟ ୨୮ ବର୍ଷୀୟା ହସିନା, ତାଙ୍କ ଭଣଜା ରାଡଓ୍ବାନା ମୁଜିବ ସିଦ୍ଦିକୀ, ଭାଣିଜୀ ତୁଲିପ ରିଜଓ୍ବାନା ଓ ଆଜମିନା ସିଦ୍ଦିକୀ ଓ କେସ ସହ ଜଡ଼ିତ ଥିବା ଅନ୍ୟମାନଙ୍କୁ ଦଣ୍ଡାଦେଶ ଜାରି କରିଛନ୍ତି । ଦିନ ପାଖାପାଖି ୧୨.୩୦ ସମୟରେ ଏହି ରାୟ ଆସିଥିଲା । ତୁଲୀପ ସିଦ୍ଦିକୀଙ୍କୁ ୪ ବର୍ଷର ଜେଲଦଣ୍ଡାଦେଶ ହୋଇଥିଲା । ପ୍ରତି ମାମଲାରେ ୨ ବର୍ଷ ଲେଖାଏଁ ଜେଲଦଣ୍ଡ ହୋଇଥିଲା । ୨ ଭାଣିଜୀଙ୍କୁ ଉଭୟ ମାମଲାରେ ପ୍ରତ୍ୟେକଙ୍କୁ ୭ ବର୍ଷ ଲେଖାଏଁ ଜେଲଦଣ୍ଡ ହୋଇଛି ।
