ପାକିସ୍ତାନକୁ ପୁଣି ଟ୍ରମ୍ପଙ୍କ ଝଟକା । ବିପଦ ସଙ୍କେତର ମାର୍ଗଦର୍ଶୀକା ତିନିରେ ପାକିସ୍ତାନକୁ ରଖିଛି ଆମେରିକା ପ୍ରଶାସନ । ଏନେଇ ପାକିସ୍ତାନ ଗସ୍ତ କରିବାକୁ ଚାହୁଁଥିବା ଆମେରିକା ନାଗରିକଙ୍କୁ ବାରଣ କରାଯାଇଛି । ଆମେରିକାରରେ ଅପରାଧ, ଆତଙ୍କବାଦ ଏବଂ ଅପହରଣର ବିପଦ ଅଧିକା ଯୋଗୁ ଯାତ୍ରୀମାନଙ୍କୁ ପାକିସ୍ତାନ ଯାତ୍ରା କରିବା ପୂର୍ବରୁ ଦୁଇଥର ଚିନ୍ତା କରିବାକୁ ପରାମର୍ଶ ଦିଆଯାଇଛି । ବିପଦ ସଙ୍କେତର ମାର୍ଗଦର୍ଶୀକା ତିନିର ଅର୍ଥ ହେଉଛି ବିନା ଚେତାବନୀରେ ଆତଙ୍କବାଦୀ ଆକ୍ରମଣ ହୋଇପାରେ। ସାଧାରଣ ଟାର୍ଗେଟରେ ରହିଥାଏ ପରିବହନ କେନ୍ଦ୍ର, ହୋଟେଲ, ବଜାର, ସପିଂ ମଲ୍, ସାମରିକ ଏବଂ ସୁରକ୍ଷା ସ୍ଥଳ, ବିମାନବନ୍ଦର, ଟ୍ରେନ୍, ସ୍କୁଲ, ହସ୍ପିଟାଲ ଭଳି ଅନେକ ଗରୁତ୍ବପୂର୍ଣ୍ଣ ସ୍ଥାନ । ଆତଙ୍କବାଦ ଏବଂ ଅପହରଣ ଯୋଗୁଁ, ବେଲୁଚିସ୍ତାନ ପ୍ରଦେଶ ଏବଂ ଖାଇବର ପଖତୁନଖ୍ୱା ପ୍ରଦେଶକୁ ଯାତ୍ରା କରିବାରୁ ଶକ୍ତ ବାରଣ କରାଯାଇଛି । ଗୋଟିଏ ମାସରେ ଶାହବାଜ-ମୁନିରଙ୍କୁ ଟ୍ରମ୍ପ ଏଭଳି ଗାଇଡ଼ଲାଇନ୍ ଜାରି କରି ଦ୍ୱିତୀୟ ଝଟକା ଦେଇଛନ୍ତି ।
