ନନ୍ଦିଘୋଷ ବ୍ୟୁରୋ : ଆଜି ମହାନ ସ୍ବାଧୀନତା ସଂଗ୍ରାମୀ ସୁଭାଷ ଚନ୍ଦ୍ର ବୋଷଙ୍କ ଜୟନ୍ତୀ । ଏଥିପାଇଁ ଚଳଚଞ୍ଚଳକ କଟକ ଓଡ଼ିଆ ବଜାର ନେତାଜୀ ଜନ୍ମସ୍ଥାନ ସଂଗ୍ରହାଳୟ । ସଂଗ୍ରହାଳୟ ପରିଦର୍ଶନ କରିବା ସହ ନେତାଜୀଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରିଛନ୍ତି ଉପରାଷ୍ଟ୍ରପତି ସିପି ରାଧାକ୍ରିଷ୍ଣନ। ଉପରାଷ୍ଟ୍ରପତି ହେବା ପରେ ରାଧାକ୍ରିଷ୍ଣନଙ୍କ ଏହା ପ୍ରଥମ ଓଡିଶା ଗ୍ରସ୍ତ। ବିମାନ ବନ୍ଦରରେ ଉପରାଷ୍ଟ୍ରପତିଙ୍କୁ ସ୍ବାଗତ କରିଥିଲେ ମୁଖ୍ୟମନ୍ତ୍ରୀ ମୋହନ ମାଝୀ, ରାଜ୍ୟପାଳ ହରିବାବୁ କମ୍ଭମପଟି, ମୁଖ୍ୟ ଶାସନ ସଚିବ ଅନୁଗର୍ଗ ପ୍ରମୁଖ। ସେଠାରେ ତାଙ୍କୁ ଦିଆଯାଇଥିଲା ଗାର୍ଡ ଅଫ ଅନର। ଉପରାଷ୍ଟ୍ରପତିଙ୍କ ଗସ୍ତକୁ ନଜରରେ ରଖି ଭୁବନେଶ୍ବରରୁ କଟକ ପର୍ଯ୍ୟନ୍ତ ଟ୍ରାଫିକ କଟକଣା କଡାକଡି କରାଯାଇଛି। ମୋଟ ୩୦ ପ୍ଲାଟୁନ ପୋଲିସ ଫୋର୍ସ ମୁତୟନ ହୋଇଛନ୍ତି।
ଉପରାଷ୍ଟ୍ରପତିଙ୍କ ଗସ୍ତକୁ ଦୃଷ୍ଟିରେ ରଖି ଭୁବନେଶ୍ୱର-କଟକ ପୋଲିସ କମିଶନରେଟ୍ ପକ୍ଷରୁ ପ୍ରମୁଖ ରାସ୍ତାଗୁଡ଼ିକରେ ଜନଗହଳି ହେବା ନେଇ ସତର୍କ କରାଯାଇଛି । ଭୁବନେଶ୍ୱରରୁ ଏୟାରପୋର୍ଟ ଛକ, କ୍ୟାପିଟାଲ ହସ୍ପିଟାଲ ଛକ, ଏଜି ଛକ, ଲୋକ ଭବନ ଛକ, ପାୱାର ହାଉସ ଛକ, ୧୨୦ ବାଟାଲିୟନ ଛକ, ଶାସ୍ତ୍ରୀ ନଗର, ବେହେରା ସାହି, ଜୟଦେବ ବିହାର ଛକ ଏବଂ ଓଭରବ୍ରିଜ୍, ସତସଙ୍ଗ ବିହାର, ଭିଏସଏସ ନଗର, ପଳାଶୁଣୀ ଏବଂ ହାଇ-ଟେକ୍ ଛକ ଆଦିରେ ବଳବତ୍ତର ରହିବ କଟକଣା ।
କଟକରେ ଶିଖରପୁର ଛକ, କାଳିଆବୁଦା, ଜୋବ୍ରା ଛକ, ମତାମଠ, ଓଲ୍ଡ ଲ ୟୁନିଭର୍ସିଟି ହଷ୍ଟେଲ ଛକ, ମଧୁସୂଦନ ପ୍ରତିମୂର୍ତ୍ତି ଛକ, ଓପିଏ ଛକ, ସମାଜ ଅଫିସ୍, ବକ୍ସିବଜାର, ତିନିକୋଣିଆ ବଗିଚା ଏବଂ ଜେଲ୍ ରୋଡ୍ ଛକରେ ମଧ୍ୟ ବଳବତ୍ତର ରହିବ ଟ୍ରାଫିକ ।
