ବରଗଡ଼ ଜିଲ୍ଲା ବରପାଲିରେ ବିଜେଡିର ଗର୍ଜନ। ଚାଷୀ ସମାବେଶ କରି ଗର୍ଜିଛି ବିଜେଡି। ବିଭିନ୍ନ ଚାଷୀ ସମସ୍ୟା ନେଇ ରାଜ୍ୟ ସରକାରଙ୍କୁ ଟାର୍ଗେଟ କରାଯାଇଛି। ଚାଷୀଙ୍କ ହକ ଓ ଅଧିକାର ପାଇଁ ଏହି ଲଢେ଼ଇ ବୋଲି କହିଛି ଦଳ। ରାଜ୍ୟ ସରକାରଙ୍କୁ କଡ଼ା ସମାଲୋଚନା କରି ବିଜୁ ମହିଳା ଜନତା ଦଳର ସଭାନେତ୍ରୀ ସ୍ନେହାଙ୍ଗିନୀ ଛୁରିଆ କହିଛନ୍ତି, ସରକାର ଚାଷୀଙ୍କୁ ପ୍ରତାରଣା କରିଛନ୍ତି। ସେପଟେ ଚାଷୀଙ୍କୁ ହଇରାଣ ନ କରିବାକୁ ଚେତାବନୀ ଦେଇଛନ୍ତି ବରଗଡ଼ର ପୂର୍ବତନ ବିଧାୟକ ଦେବେଶ ଆଚାର୍ଯ୍ୟ। ସେହିପରି ପଦ୍ମପୁର ବିଧାୟିକା ବର୍ଷା ସିଂ ବରିହା ଦାବି କରିଛନ୍ତି ସରକାର ତୁରନ୍ତ କଟନୀ ଛଟନୀ ବନ୍ଦ କରନ୍ତୁ। ସେହିପରି ବିଜେପୁରର ପୂର୍ବତନ ବିଧାୟିକା ରୀତା ସାହୁ ମଧ୍ୟ ବିଜେପି ସରକାର ଉପରେ ବର୍ଷିଥିଲେ। ଶେଷରେ ବରପାଲି ତହସିଲଦାରଙ୍କୁ ଭେଟି ତାଙ୍କ ଜରିଆରେ ମୁଖ୍ୟମନ୍ତ୍ରୀଙ୍କୁ ଏକ ଦାବୀ ପତ୍ର ପ୍ରଦାନ କରାଯାଇଛି। ଧାନ କିଣା ଠିକରେ ନ କଲେ ଆଗାମୀ ଦିନରେ ବିରାଟ ଜନ ଆନ୍ଦୋଳନ କରିବାକୁ ଚେତାବନୀ ଦେଇଛି ବିଜେଡି।
