ବ୍ରାଉନ ସୁଗାର ଡ଼ିଲ ବେଳେ ମାଡ଼ି ବସିଲା ଅବକାରୀ ଟିମ । ଭୋଗରାଇ ଥାନା ଅନ୍ତର୍ଗତ ଦେଉଳ ଗ୍ରାମରୁ ୧୬୫ଗ୍ରାମ ବ୍ରାଉନ ସୁଗାର ଓ ଗୋଟିଏ ହୋଣ୍ଡା ୟୁନିକର୍ନ ବାଇକ ସହ ଜଣଙ୍କୁ ଗିରଫ କରିଛି ଅବକାରୀ ଟିମ୍। ଗିରଫ ଯୁବକ ହେଲେ ସାନ୍ତେଘରିଆ ଗ୍ରାମର ବିଜୟ ସାହୁ । ବ୍ରାଉନ ସୁଗାରର ଆନୁମାନିକ ମୂଲ୍ୟ ୧୬ ଲକ୍ଷ ଟଙ୍କାରୁ ଅଧିକ ହେବ ବୋଲି ଜଣାପଡିଛି। ଗତକାଲି ବିଳମ୍ବିତ ରାତିରେ ପଶ୍ଚିମବଙ୍ଗରୁ ବ୍ରାଉନ ସୁଗାର ଆଣି ଭୋଗରାଇ ସରସ୍ବତୀପୁର ସାନତେଘରି ଗ୍ରାମରେ ବିକ୍ରି କରୁଥିଲା ବେଳେ ଭୋଗରାଇ ଅବକାରୀ ଟିମ ଏବଂ ଜଳେଶ୍ୱର ଅବକାରୀ ଟିମ ମିଳିତ ଚଢାଉ କରି ଗିରଫ କରିଥିଲା।
