ଆଜି ଧନୁଯାତ୍ରା ଶେଷ ଦିନ, କଂସଙ୍କୁ ବଧ କରିବେ ଶ୍ରୀକୃଷ୍ଣ
ନନ୍ଦିଘୋଷ ବ୍ୟୁରୋ: ଆଜି ଅଧର୍ମ ଉପରେ ଧର୍ମର ହେବ ବିଜୟ । ଆତ୍ୟାଚାରୀ କଂସ ଦାଉରୁ ମିଳିବ ମଥୁରାକୁ ମୁକ୍ତି । ମଞ୍ଚରୁ ପଡ଼ି ମରିବ ମାମୁ କଂସ । ପୁଣି ମଥୁରାର ରାଜା ହେବେ ଉଗ୍ରସେନ । କଂସବଧ ସହ ଶେଷ ହେବ ବରଗଡ଼ ଧନୁଯାତ୍ରା ।
ଯାତ୍ରା ଆଳରେ କୃଷ୍ଣ ଓ ବଳରାମଙ୍କୁ ମାରିବାକୁ ଯୋଜନା କରିଥିଲା କଂସାସୁର । ମତ୍ତ ହସ୍ତୀ, ଅଷ୍ଟମଲ୍ଲ ଓ ବିଭିନ୍ନ ଅସୁରଙ୍କୁ ମାରିବା ପରେ ଶେଷରେ ମଞ୍ଚରେ ବସିଥିବା କଂସକୁ ତଳକୁ ପକାଇ ବଧ କରିବେ ଭଗବାନ ଶ୍ରୀକୃଷ୍ଣ । କଂସ ବଧ ପରେ ମଥୁରାରେ ପୁଣି ଶାନ୍ତି ଫେରିବ ।
ବିଶ୍ବର ସର୍ବବୃହତ୍ତ ମୁକ୍ତାକାଶ ରଙ୍ଗମଞ୍ଚରେ ଡିସେମ୍ବର ୨୪ ତାରିଖରୁ ଆରମ୍ଭ ହୋଇଥିଲା ଧନୁଯାତ୍ରା । ୧୧ ଦିନ ପରେ କଂସ ବଧ ଶହ ପଡିବ ଯବନିକା ।
