ତ୍ରିଶୁଳିଆରୁ କଟକକୁ ପ୍ରବେଶ ପଥରେ ମହମ୍ମଦ ମୋକିମଙ୍କ ସହ କଂଗ୍ରେସ ବିଧାୟିକା ସୋଫିଆ ଫିର୍ଦୋସଙ୍କ ବ୍ୟାନର ବିନା ଦଳୀୟ ଚିହ୍ନରେ ଲାଗିବା ଘଟଣାକୁ ନେଇ ଚର୍ଚ୍ଚା ଲାଗିଥିବା ବେଳେ ମୁହଁ ଖୋଲିଛନ୍ତି ମହମ୍ମଦ ମୋକିମ। କହିଛନ୍ତି, ନୂଆବର୍ଷ ପାଇଁ ମୋର ଶୁଭେଛୁ ଏଭଳି ଏକ ବ୍ୟାନର ଲଗାଇ ଥାଇପାରନ୍ତି। ମୁଁ ପୂର୍ବରୁ ବିଧାୟକ ଥିଲି ଓ ସୋଫିଆ ବିଧାୟିକା ଭାବେ ଲୋକଙ୍କ ପାଖରେ ପରିଚିତ। ତେଣୁ ଦଳୀୟ ଚିହ୍ନ ଗୋଟିଏ ଶୁଭେଛା ବ୍ୟାନରରେ ରହିବା ଅତି ଜରୁରୀ ବୋଲି ଭାବୁ ନାହିଁ ବୋଲି ମହମ୍ମଦ ମୋକିମ କହିଛନ୍ତି। ସେପଟେ ମୋକିମ ନିଜର ରାଜନୈତିକ କାର୍ଯ୍ୟକ୍ରମ ସଂପର୍କରେ କହିଛନ୍ତି ଯେ ସେ ବିଭିନ୍ନ ଅଂଚଳ ବୁଲି ରାଜନେତା ଓ ଶୁଭେଛୁଙ୍କୁ ଭେଟୁଛନ୍ତି। ଭୁବନେଶ୍ବରରେ କାଲି କିଛି ରାଜନୈତିକ ବ୍ୟକ୍ତିବିଶେଷଙ୍କ ସମେତ ବସ୍ତିବାସିନ୍ଦାଙ୍କୁ ଭେଟିଥିଲେ। ସମସ୍ତଙ୍କ ପରାମର୍ଶ ନେଇ ଭବିଷ୍ୟତ କାର୍ଯ୍ୟପନ୍ଥା ଶୀଘ୍ର ଘୋଷଣା କରିବି ବୋଲି କହିଛନ୍ତି ମହମ୍ମଦ ମୋକିମ
