ପୁଟିନଙ୍କ ଘର ଉପରେ ଡ୍ରୋନ ଆକ୍ରମଣ !
ନନ୍ଦିଘୋଷ ବ୍ୟୁରୋ: ଋଷ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ଘର ଉପରେ ଆକ୍ରମଣ । ଉତ୍ତରାଞ୍ଚଳ ଋଷରେ ଥିବା ପୁଟିନଙ୍କ ଘର ଉପରେ ଡ୍ରୋନ ଆକ୍ରମଣ ହୋଇଛି । ଏହି ଆକ୍ରମଣ ପଛରେ ୟୁକ୍ରେନର ହାତ ଥିବା ଋଷ ପକ୍ଷରୁ ଅଭିଯାଗ କରାଯାଇଛି । ହେଲେ ୟୁକ୍ରେନ ରାଷ୍ଟ୍ରପତି ଜେଲେନେସ୍କି ଋଷର ଦାବିକୁ ଖଣ୍ଡନ କରିଛନ୍ତି ।
ଋଷ ବୈଦେଶିକ ମନ୍ତ୍ରୀ ସର୍ଗେଇ ଲାଭରୋଭ କହିଛନ୍ତି, ନୋଭଗୋରୋଡ ସ୍ଥିତ ରାଷ୍ଟ୍ରପତି ଭବନ ଉପରେ ୟୁକ୍ରେନ ପକ୍ଷରୁ ଡ୍ରୋନ ଆକ୍ରମଣ ହୋଇଥିଲା । ହେଲେ ଆମେ ୯୧ଟି ଦୂରଗାମୀ ଡ୍ରୋନ ନଷ୍ଟ କରି ଦେଇଛୁ । ଘଟଣାରେ କେହି ମୃତାହତ ହୋଇନାହାନ୍ତି । ଡ୍ରୋନ ଆଟାକ ବେଳେ ପୁଟିନ ଡୋଲୋଗିୟେ ବୋରଡି ତଥା ଲଙ୍ଗ ବିୟର୍ଡସ ଘରେ ଥିବା ସୂଚନା ମିଳିଛି ।
