ରାଜରାସ୍ତାରେ ଅନ୍ନଦାତା । ସୁଧୁରୁନି ମଣ୍ଡି ସମସ୍ୟା । ବଢୁଛି ମିଲରଙ୍କ ଦାଦାଗିରି । ପ୍ରତିବାଦରେ ରାସ୍ତା ଅବରୋଧ କଲା ସଂଗଠନ । ସମ୍ବଲପୁରରେ ରାସ୍ତାକୁ ଓହ୍ଲାଇଲେ ଚାଷୀ l ମଣ୍ଡି ସମସ୍ଯା ସମାଧାନ ଦାବିରେ ସିନ୍ଦୁରପଙ୍କ ବାଇପାସ ଛକରେ ରାସ୍ତାରୋକ । ଜିଲ୍ଲାରେ ମଣ୍ଡି ଖୋଲିବା ସତ୍ତ୍ବେ ଧାନ କିଣା ନହେବାରୁ ଆନ୍ଦୋଳନକୁ ଓହ୍ଲାଇଛନ୍ତି ବିଭିନ୍ନ ଚାଷୀ ସଂଗଠନ । ଗତ ୨୮ ତାରିଖରୁ ଜିଲ୍ଲାରେ ଖରିଫ ଧାନ କିଣା ଆରମ୍ଭ ହୋଇଛି । ତେଣୁ ସୋମବାର ସକାଳୁ ଚାଷୀମାନେ ନିଜ ନିଜ ଧାନ ନେଇ ମିଲକୁ ପହଞ୍ଚିଥିଲେ l ହେଲେ ମିଲ ମାଲିକ ଧାନ ନେବାକୁ ମନା କରିଦେଲେ l ଗତ ୨୮ ତାରିଖରେ ମଧ୍ଯ ସମାନ ସ୍ଥିତି ଉପୁଜିଥିଲା । ପ୍ରଶାସନର ମିଲ ମାଲିକଙ୍କୁ ବୁଝାସୁଝା କରିଥିଲେ ବି ସେମାନେ ଶୁଣିବାକୁ ନାରାଜ । ୪୦ କିଲୋମିଟର ଉପରକୁ ଗଲେ କିଲୋମିଟରକୁ ୪୨ ପଇସା ଗାଡି଼ଭଡା ଥିବାବେଳେ ତାହା ହ୍ରାସ କରି ୨୮ ପଇସା କରାଯାଇଥିବା ଯୋଗୁଁ ମିଲର୍ସ ସଂଘ ଧାନ ଉଠାଉ ନଥିବା ଅଭିଯୋଗ ହୋଇଛି ।
ସେପଟେ ଧାନ ଉଠିବ ଆରମ୍ଭ ହୋଇଛି ବୋଲି କହିଛନ୍ତି ଯୋଗାଣ ମନ୍ତ୍ରୀ । ମିଲରଙ୍କ ସହ ଆଲୋଚନା ଚାଲିଛି । ସେମାନଙ୍କ ୪ ଟି ଦାବି ପୂରଣ କରାଯାଇଛି । ତେବେ ଗୋଟି ଦାବି ନେଇ ସେମାନେ ଜିଦରେ ଅଛନ୍ତି । ମିଲିଙ୍ଗ ଚାର୍ଜ ବଢ଼ାଇବାକୁ ଜିଦ କରୁଛନ୍ତି ମିଲ୍ ମାଲିକ । ଏନେଇ ମନ୍ତ୍ରୀସ୍ତରୀୟ କମିଟିରେ ଆଲୋଚନା ହୋଇ ନିଷ୍କର୍ଷ ବାହାର କରାଯିବ ବୋଲି ମନ୍ତ୍ରୀ ସୂଚନା ଦେଇଛନ୍ତି । ମିଲର୍ସ ଓ ମଣ୍ଡି କର୍ମକର୍ତ୍ତାଙ୍କ ମଧୂଚନ୍ଦ୍ରିକାରେ ହନ୍ତସନ୍ତ ହେଉଛନ୍ତି ଚାଷୀକୂଳ । ବର୍ଷସାରା କଷ୍ଟକରି ଫସଲ ଆଦାୟ କରିଥିଲେ ସୁଦ୍ଧା ବିକ୍ରି କରି ପାରୁନାହାନ୍ତି ।
