ନନ୍ଦିଘୋଷ ବ୍ୟୁରୋ: କଟକ ବାରବାଟୀରେ ଆସନ୍ତା ୯ରେ ଖେଳାଯିବ ଟି-ଟ୍ବେଣ୍ଟି ସିରିଜର ପ୍ରଥମ ମ୍ଯାଚ । ଆଥିପାଇଁ ଆଜିଠୁ ଅନଲାଇନରେ ଆରମ୍ଭ ହେବ ଟିକେଟ ବିକ୍ରି । District zomato ରେ ଆବେଦନ କରିବେ ଦର୍ଶକ । ଚଳିତବର୍ଷ ଟିକେଟ ସଂଖ୍ୟା କମି ଥିବା ବେଳେ ଅନଲାଇନ୍ ରେ ୨ ହଜାର ଟିକେଟ ବିକ୍ରି ପାଇଁ ନିଷ୍ପତ୍ତି ନିଆଯାଇଛି । ଗ୍ୟାଲେରୀ ୧ ଓ ୩ ର ମୂଲ୍ଯ ୧୧ଶହ ଟଙ୍କା, ଗ୍ୟାଲେରୀ ୨ ଓ ୪ କୁ ୯ଶହ ଟଙ୍କା, ଗ୍ୟାଲେରୀ ୫ ନମ୍ବର୍ ୧୨ଶହ ଟଙ୍କା, ସ୍ପେଶଲ୍ ଏନ କ୍ଲୋଜର ୬ହଜାର ଟଙ୍କା, ଏସି ବକ୍ସ ୮ ହଜାର ଟଙ୍କା, ନ୍ୟୁ ପାଭିଲିୟନ୍ ୧୦ ହଜାର ଟଙ୍କା ଏବଂ କର୍ପୋରେଟ ବକ୍ସ ୨୦ ହଜାର ଟଙ୍କା ରହିଥିବା ସୂଚନା ଦେଇଛନ୍ତି ଓସିଏ ସମ୍ପାଦକ ସଞ୍ଜୟ ବେହେରା । ସେହିଭଳି ପୂର୍ବ ମ୍ୟାଚରେ ୪୪ ହଜାର ୫ଶହ ଟିକେଟ ବିକ୍ରି ହୋଇଥିବା ବେଳେ ଚଳିତ ମ୍ୟାଚରେ ୪୨ ହଜାର ଟିକେଟ ବିକ୍ରି କରାଯିବ । ଗ୍ୟାଲେରୀ ର ସିଟ କୁ ୧୯ ଇଞ୍ଚ୍ ବଦଳରେ ୨୨ ଇଞ୍ଚ୍ କରାଯାଇଛି । ୧୮ ହଜାର ୪ଶହ କମ୍ପ୍ଲିମେଣ୍ଟାରି ଟିକେଟ ରହିଥିବା ବେଳେ ଚଳିତବର୍ଷ ଉଭୟ ଅନଲାଇନ ଓ ଅଫଲାଇନ୍ ରୁ ୩ ହଜାର ୮୦ ଟିକେଟ ସାଧାରଣ ଦର୍ଶକଙ୍କ କଟିଥିବା ବେଳେ କମ୍ପ୍ଲିମେଣ୍ଟାରି ରୁ ୫୬୦ ଟିକେଟ କଟିଛି । ଚଳିତ ମ୍ୟାଚ ପାଇଁ ଆସନ୍ତା ଡ଼ିସେମ୍ବର ୫ରେ କାଉଣ୍ଟରରେ ଟିକେଟ ବିକ୍ରି କରାଯିବ । ଡ଼ିସେମ୍ବର ୩ ତାରିଖ ଓ ୪ ତାରିଖରେ ଅନୁବନ୍ଧିତ କ୍ଲବ୍ ମାନଙ୍କୁ ଟିକେଟ ବିକ୍ରି କରାଯିବ । ମ୍ୟାଚ୍ ଦିନ ୪ ଟା ବେଳକୁ ଦର୍ଶକ ମାନେ ଷ୍ଟାଡିୟମ୍ ପରିସର କୁ ପ୍ରବେଶ କରି ପାରିବେ । ମ୍ୟାଚ୍ ଆରମ୍ଭ ହେବା ପୂର୍ବରୁ ଦର୍ଶକ ମାନେ ଲାଇଟ୍ ସୋ ର ମଜା ମଧ୍ୟ ନେଇ ପାରିବେ।…
