ପଞ୍ଚାୟତକୁ ଗଡୁନି ମୁଖ୍ୟମନ୍ତ୍ରୀ ବସ୍। ବସଷ୍ଟାଣ୍ଡ ନିର୍ମାଣ ସରିଛି। ହେଲେ ୨ ବର୍ଷ ହେଲାଣି କେନ୍ଦୁଝର ଜିଲ୍ଲା ଆଦିବାସୀ ବହୁଳ ଚମ୍ପୁଆ ବ୍ଲକର ଜାଲି ପଞ୍ଚାୟତକୁ ଗଡୁନି ବସ୍ l ଗମନାଗମନ ସୁବିଧା ପାଇଁ ପଞ୍ଚାୟତ ମୁଖ୍ୟାଳୟରେ ପୂର୍ବ ସରକାର ଲକ୍ଷ୍ମୀ ବସଷ୍ଟାଣ୍ଡ ସହିତ ଲକ୍ଷ୍ମୀ ବସ ଯେlଗାଇଦେଇଥିଲେ l ସରକାର ବଦଳିବା ପରେ ଆଉ ଅଧିକାଂଶ ପଞ୍ଚାୟତକୁ ଯାଉନି ବସ୍। ବ୍ଲକ ମୁଖ୍ୟାଳୟରୁ ବସ୍ ଜାଲି ପାଇଁ ବାହାରୁଛି ମାତ୍ର ଦିନକ ପାଇଁ ବସ୍ ଆସୁନାହିଁ। ଘଣ୍ଟା ଘଣ୍ଟା ଧରି ଅପେକ୍ଷା କରି ଫେରୁଛନ୍ତି ଲୋକେ। ଯାହାକୁ ନେଇ ପଞ୍ଚାୟତରେ ଅସନ୍ତୋଷ ବୃଦ୍ଧି ପାଇବାରେ ଲାଗିଛି।
ବ୍ଲକ ମୁଖ୍ୟାଳୟ କିମ୍ବା ଜିଲ୍ଲା ମୁଖ୍ୟାଳୟ ଯିବାକୁ ହେଲେ ପାଞ୍ଚ କିଲୋମିଟର ଦୂର ଭୂଇଁପୁର କିମ୍ବା ଜଜପଶି ପଞ୍ଚାୟତ ଯିବାକୁ ବାଧ୍ୟ ହେଉଛନ୍ତି ଲୋକେ l ଏପରିକି ପଞ୍ଚାୟତର କଲେଜ ଛାତ୍ରଛାତ୍ରୀ ବସ ସେବା ପାଇଁ ପାଠପଢାରୁ ବଞ୍ଚିତ ହେଉଛନ୍ତି। ବସ ସେବା ଯୋଗାଇଦେବାକୁ ବହୁବାର ପାଟଣା ବିଧାୟକଙ୍କ ସହିତ ବ୍ଲକ ପ୍ରଶାସନ ଓ ଜିଲ୍ଲାପାଳଙ୍କ ଦୃଷ୍ଟି ଆକର୍ଷଣ କରିଥିଲେ ସୁଦ୍ଧା କେହି ଗୁରୁତ୍ୱ ଦେଉନଥିବା କ୍ଷେlଭର ସହ ଅଭିଯୋଗ କରିଛନ୍ତି ପଞ୍ଚାୟତବାସୀ। ପଞ୍ଚାୟତବାସୀଙ୍କୁ ସୁବିଧାରେ ବସ ସେବା ଯେlଗାଇଦେବାକୁ ପୂର୍ବ ସରକାର ଆରମ୍ଭ କରିଥିଲେ ଲକ୍ଷ୍ମୀ ବସ ସେବା । ୫ ଟଙ୍କାରେ ଯାତାୟାତ କରୁଥିଲେ ଲୋକେ। ମାତ୍ର ସରକାର ବଦଳିବା ପରେ ଏହି ଯେlଜନାରୁ ବଞ୍ଚିତ ରହିଛନ୍ତି ଜାଲି ପଞ୍ଚାୟତ ବାସୀ ।
