ଅନ୍ନଦାତା ମାନଙ୍କ ଆୟ ଦୁଇଗୁଣା କରିବାକୁ ପ୍ରଧାନମନ୍ତ୍ରୀ କିଷାନ ସମ୍ମାନ ନିଧି ଏକ ବରଦାନ। ପ୍ରଧାନମନ୍ତ୍ରୀ କିଷାନ ସମ୍ମାନ ନିଧିର ୨୧ତମ କିସ୍ତି ବଣ୍ଟନ ହୋଇଛି। ସାରା ଦେଶରେ ୯ କୋଟି ଚାଷୀଙ୍କ ଖାତାକୁ ଯାଇଛି ୧୮ ହଜାର କୋଟି ଟଙ୍କା। ଏବେ ସୁଦ୍ଧା ୩ ଲକ୍ଷ ୯୦ ହଜାର କୋଟି ଟଙ୍କା ୨୦୧୯ ପରଠାରୁ ଚାଷୀଙ୍କୁ ଦିଆଯାଇଛି। ଓଡିଶା ସରକାର ପିଏମ କିଷାନ ସହ ସିଏମ କିଷାନ ଫଣ୍ଡ ମଧ୍ୟ ଚାଷୀଙ୍କୁ ଦେଇଛନ୍ତି। ଚାଷୀଙ୍କ ସର୍ବାଙ୍ଗୀନ ଉନ୍ନତି ପାଇଁ ସରକାର ସବୁ ପ୍ରକାର ଉଦ୍ୟମ କରୁଛନ୍ତି। ଧାନ କ୍ୱଣ୍ଟାଲ ପିଛା ୮୦୦ ଟଙ୍କା ସବସିଡ଼ି ଚାଷୀମାନଙ୍କୁ ଅନେକ ସହାୟ ହେଉଛି। ଏଥର ଭଲ ଧାନ ଚାଷ ହେଇଥିବାରୁ ଚାଷୀମାନେ ଅଧିକ ଲାଭବାନ ହେବେ। ରାଜ୍ୟର ଚାଷୀମାନେ ଚାଷ କାମ ପାଇଁ ଉତ୍ସାହିତ ଅଛନ୍ତି। ଚାଷ କାମରେ ବିବିଧତା ଆଣିବାକୁ ପ୍ରୟାସ କରୁଛନ୍ତି ବୋଲି ମୁଖ୍ୟମନ୍ତ୍ରୀ କହିଛନ୍ତି। ପିଏମ କିଷାନ ଯୋଜନାରେ ରାଜ୍ୟର ୩୪ ଲକ୍ଷ ଚାଷୀଙ୍କୁ ୭୦୦ କୋଟିର ସହାୟତା ଦିଆଯାଇଛି।
