ନନ୍ଦିଘୋଷ ବ୍ୟୁରୋ : ଚତୁର୍ଥ ଟି-ଟ୍ଵେଣ୍ଟି ଜିତିଲା ଟିମ୍ ଇଣ୍ଡିଆ। ଅଷ୍ଟ୍ରେଲିଆକୁ ୪୮ ରନରେ ହରାଇ ସିରିଜରେ ୨-୧ ରେ ଆଗୁଆ ରହିଛି ଭାରତ। ଓଭାଲରେ ହୋଇଥିବା ମ୍ୟାଚରେ ଟସ୍ ଜିତି ପ୍ରଥମେ ଫିଲଡିଂ କରିବାକୁ ନିଷ୍ପତ୍ତି ନେଇଥିଲା ଅଷ୍ଟ୍ରେଲିଆ। ଟିମ୍ ଇଣ୍ଡିଆ ପ୍ରଥମେ ବ୍ୟାଟିଂ କରି ୨୦ ଓଭରରେ ୮ ୱିକେଟ ହରାଇ କରିଥିଲା ୧୬୭ ରନ। ଗିଲ୍ ସର୍ବାଧିକ ୪୬ ରନ୍ କରିଥିଲେ। ଟାର୍ଗେଟ ୧୬୮ ରନ୍ ର ପିଛା କରି ଅଷ୍ଟ୍ରେଲିଆ ୧୧୯ ରନରେ ଅଲଆଉଟ ହୋଇଥିଲା। ୱାସିଂଟନ ସୁନ୍ଦର ୩ ୱିକେଟ ନେଇଥିଲେ। ଦୁବେ ଓ ଅକ୍ଷରଙ୍କୁ ୨ଟି ଲେଖାଏଁ ୱିକେଟ ନେଇଛନ୍ତି। ଅକ୍ଷର ପଟେଲ ମ୍ୟାନ ଅଫ୍ ଦି ମ୍ୟାଚ ହୋଇଛନ୍ତି। ଆଜିର ବିଜୟ ସହିତ ସିରିଜରେ ୨-୧ ଆଗୁଆ ରହିଲା ଟିମ୍ ଇଣ୍ଡିଆ। ଆସନ୍ତା ଶନିବାର ବ୍ରିସବେନରେ ଶେଷ ଟି-ଟ୍ଵେଣ୍ଟି ଖେଳାଯିବ।
