ନନ୍ଦିଘୋଷ ବ୍ୟୁରୋ : ମହଙ୍ଗା ମହଙ୍ଗା ପଡ଼ିଲା ପଡ଼ିଆରେ ଅଶୋଭନୀୟ ଆଚରଣ। ଅଭଦ୍ରାମୀ ଲାଗି ଦଣ୍ଡିତ ହେଲେ ପାକିସ୍ତାନର ଖେଳାଳି। ପାକିସ୍ତାନୀ ଖେଳାଳି ହାରିସ ରୌଫଙ୍କୁ ଦୁଇଟି ମ୍ୟାଚ୍ ପାଇଁ ନିଲମ୍ବିତ କରିଛି ICC । ଭାରତ ବିପକ୍ଷ ଏସିଆ କପର ସୁପର ୪ ମ୍ୟାଚ୍ରେ ଆତଙ୍କୀ ମାନସିକତା ପ୍ରଦର୍ଶନ କରି ଓଦ୍ଧତ୍ୟର ସୀମା ଟପି ଥିବା ପାକିସ୍ତାନର ଦ୍ରୁତ ବୋଲର ହାରିଶ ରୌଫଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିଛି ଆଇସିସି।
ପଡ଼ିଆରେ ଯୁଦ୍ଧ ବିମାନର ଇଙ୍ଗିତ କରି ଦର୍ଶକଙ୍କୁ ଉସକାଇବା ଭଳି ସଙ୍କେତ ଦେଇଥିବା ଅଭିଯୋଗ ହୋଇଛି ।ଭବିଷ୍ୟତରେ ନିଜ ଆଚରଣ ଓ ଉଚାରଣରେ ସଂଯମତା ରଖା କରିବାକୁ ମଧ୍ୟ ଆଇସିସି ପକ୍ଷରୁ ରୌଫଙ୍କୁ ପରାମର୍ଶ ଦିଆଯାଇଛି। ଜଣେ ଭାରତୀୟ ବ୍ୟାଟରଙ୍କୁ ଆଉଟ କରିବା ପରେ ବିମାନ ଦୁର୍ଘଟଣା ଭଳି ହାତରେ ଇଙ୍ଗିତ କରିଥିବା ରୌଫଙ୍କୁ ଆଇସିସି ପ୍ୟାନେଲରେ ଥିବା ସଦସ୍ୟମାନେ ସମାଲୋଚନା କରିଛନ୍ତି। ଏହା କ୍ରୀଡ଼ା ମନୋଭାବର ବିରୋଧାଚରଣ ବୋଲି ସେମାନେ ମତ ରଖି ରୌଫଙ୍କୁ ଦଣ୍ଡିତ କରିଛନ୍ତି। ସେହିଭଳି ଭାରତୀୟ ଅଧିନାୟକ ସୂର୍ଯ୍ୟକୁମାର ଯାଦବଙ୍କୁ ତାଙ୍କ ମ୍ୟାଚ୍ ଫିର ୩୦ ପ୍ରତିଶତ ଜରିମାନା କରାଯାଇଛି। ଦୁବାଇରେ ଅନ୍ତର୍ଜାତୀୟ କ୍ରିକେଟ ପରିଷଦ ବୈଠକ ବେଳେ ଏଭଳି ନିଷ୍ପତ୍ତି ନିଆଯାଇଛି ।
