ପରୀକ୍ଷା କେନ୍ଦ୍ରରେ ୧୪୪ଧାରା ଜାରି ପରେ କେମିତି ଥିଲା ଆଜିର ପରୀକ୍ଷା ?

କାମାକ୍ଷାନଗର: ୧୪୪ଧାରା ଜାରି ହୋଇଥିବା ପରୀକ୍ଷା କେନ୍ଦ୍ରରେ ଶାନ୍ତି ଶୃଙ୍ଖଳାର ସହ ପରୀକ୍ଷା ଶେଷ ହୋଇଛି । ୨୪ରୁ ଜିଲ୍ଲାର ୧୮ଟି ପରୀକ୍ଷା କେନ୍ଦ୍ରରେ ୧୪୪ଧାରା ଲାଗୁ ହୋଇଛି ।  ସେଥିମଧ୍ୟରୁ କାମାକ୍ଷାନଗର ଉପଖଣ୍ଡରେ ସର୍ବାଧିକ ୧୧ଟି ସେଣ୍ଟରରେ ଏହି ୧୪୪ଧାରା ରୁଜୁ ହୋଇଛି । ଶୃଙ୍ଖଳାର ସହ ଗଣିତ ପରୀକ୍ଷା ଶେଷ ହୋଇଯାଇଛି । ପରୀକ୍ଷା କେନ୍ଦ୍ର ଗୁଡିକରେ ସୁରକ୍ଷା ମଧ୍ୟ କଡାକଡି କରାଯିବା ସହ କପି ରୋକିବାକୁ ସମସ୍ତ ବ୍ୟବସ୍ଥା କରାଯାଇଛି । ଢେଙ୍କାନାଳ କଙ୍କଡାହାଡ ବ୍ଲକବିରିବୁଲେଇ ସରକାରୀ ଉଚ୍ଚବିଦ୍ୟାଳୟରେ ଅଭିଭାବକ ମାନେ ପାଚେରୀ ଡେଇଁ କପି ଦେଉଥିଲେ । ତା ସହ ଅନ୍ୟ ଏକ ବ୍ଲକରେ ମଧ୍ୟ କପି ଦେଉଥିବା ବେଳେ ପୁଲିସ ମାଡରେ ଜଣେ ଗୁରୁତର ହୋଇପଡିଥିଲେ । ଏହି ଭଳି ବିଶୃଙ୍ଖଳା ନେଇ ଏହି  କିଛି ସ୍ଥାନରେ ୧୪୪ଧାରରା ଲାଗୁ ହୋଇଛି ।