ନନ୍ଦିଘୋଷ ଟିଭି ଆଗରେ ମୁହଁ ଖୋଲିଲେ SI ଚାକିରି ଆଶାୟୀ । ୨୫ ଲକ୍ଷ ଦେଇପାରିଲେନି ବୋଲି ଆଜି ଚାକିରି ପାଇବାରୁ ବଞ୍ଚିତ । OPRB ପକ୍ଷରୁ ହୋଇଥିବା ଘୋଟାଲା ସମ୍ପର୍କରେ ଗୋଟି ଗୋଟି କରି କହିଛନ୍ତି ଚାକିରି ଆଶାୟୀ । ସେପଟେ କ୍ରାଇମବ୍ରାଞ୍ଚ ସୂତ୍ରରୁ ମିଳିଛି ସାଙ୍ଘାତିକ ସୁରାକ। ୩ ଶହ ଏସଆଇ ପଦବୀ ବିକ୍ରି ହୋଇଯାଇଛି । ବସରେ ଯାଇଥିବା ୧୧୪ ଜଣ ଗିରଫ ହେବା ପରେ ଆଉ ୧୮୬ ଜଣ ଟ୍ରେନରେ ଯାଇଥିବା ଆଶାୟୀ ଫେରାର ହୋଇଯାଇଛନ୍ତି । ସେମାନଙ୍କୁ ଧରିବା ପାଇଁ ଆରମ୍ଭ ହୋଇଛି ଛାନଭିନ । ସେମାନଙ୍କୁ ତାଲିକା ଧରି ଖୋଜୁଛି କ୍ରାଇମବ୍ରାଞ୍ଚ । ଏପରିକି ସେମାନଙ୍କ ଅରିଜିନାଲ ସାର୍ଟିଫିକେଟ ମଧ୍ୟ ଏବେ ଦଲାଲ ପାଖେ ରହିଯାଇଥିବା ଜାଣିବାକୁ ପାଇଛି ତଦନ୍ତକାରୀ ସଂସ୍ଥା । ସେପଟେ ପୋଲିସ ଏସଆଇ ପରୀକ୍ଷା ସ୍କାମ କେସରେ କ୍ରାଇମବ୍ରାଞ୍ଚକୁ ମିଳିଛି ଗୁରୁତ୍ଵପୂର୍ଣ୍ଣ ତଥ୍ଯ । ସିଲିକନ୍, ପଞ୍ଚସଫ୍ଟ କାମ ପାଇବା ନେଇ ସମ୍ପୂର୍ଣ୍ଣ ଭାବେ OPRBକୁ ଜଣାଥିଲା । OPRB ଗୋଚରରେ ସବୁ କିଛି ପରିଚାଳିତ ହେଉଥିଲା । ଏପରିକି ପରୀକ୍ଷାର୍ଥୀଙ୍କ ଆଡମିଟ କାର୍ଡ ତିଆରି କରିସାରିଥିଲା ପଞ୍ଚସଫ୍ଟ । ଆଡମିଟ କାର୍ଡ ପ୍ରସ୍ତୁତ ସହ ଟଙ୍କା ଦେଇଥିବା ଆଶାୟୀଙ୍କ ତାଲିକା ନେଇ ନିଜ ସେଟିଂରେ ଥିବା ପରୀକ୍ଷା ସେଣ୍ଟରରେ କରାଯାଇଥିଲା ବ୍ୟବସ୍ଥା । ସ୍ପେଶାଲ ଟିମ ବର୍ତ୍ତମାନ ବିଭିନ୍ନ ସ୍ଥାନରେ ଚଢ଼ାଉ କରୁଥିବା ବେଳେ ବର୍ତ୍ତମାନ ସୁଦ୍ଧା ମାଷ୍ଟରମାଇଣ୍ଡ ଶଙ୍କର ପୃଷ୍ଟିର ଟେର ପାଇନାହିଁ ।
