ବିପର୍ଯ୍ୟସ୍ତ ସ୍ୱାସ୍ଥ୍ୟସେବା, ମିଳୁନି ପର୍ଯ୍ୟାପ୍ତ ବେଡ୍

ଡୁଙ୍ଗୁରିପାଲି : ବିପର୍ଯ୍ୟସ୍ତ ସ୍ୱାସ୍ଥ୍ୟସେବାର ବିକଳ ଚିତ୍ର। ଖୋଲା ବାରଣ୍ଡାରେ ଚିକିତ୍ସିତ ହେଉଛନ୍ତି ପ୍ରସୂତୀ ଓ ନବଜାତ । ମଶା ମାଛି ସହ ରହିଛି ସଂକ୍ରମଣର ଭୟ। ଏ ହେଉଛି ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ପ୍ରସୂତୀ ଓ ଶିଶୁ ଚିକିତ୍ସା କେନ୍ଦ୍ରର ଦୃଶ୍ୟ । କିଏ ଆଜି ତ ଆଉ କିଏ ଗତକାଲି ଶିଶୁକୁ ଧରି ବାରଣ୍ଡାରେ ଚିକିତ୍ସିତ ହେଉଛନ୍ତି l ପର୍ଯ୍ୟାପ୍ତ ବେଡ ଅଭାବରୁ ଏହି ଦୃଶ୍ୟ ଦେଖିବାକୁ ମିଲିଛି । ଗୋଟିଏ ପଟେ ସୁସ୍ଥ ନାରୀ ସଶକ୍ତ ପରିବାରର କ୍ୟାମ୍ପ ଚାଲିଥିବା ବେଳେ ଅନ୍ୟପଟେ ବାରଣ୍ଡାରେ ପଡି ସମସ୍ୟା ଭୋଗୁଛନ୍ତି ମା ଓ ନବଜାତ ଶିଶୁ। ଯାହାକୁ ଦୃଢ଼ ନିନ୍ଦା କରିବା ସହ ସରକାର ତୁରନ୍ତ ଦୃଷ୍ଟି ଦେବାକୁ ରୋଗୀ ଓ ସମ୍ପର୍କୀୟ ଦାବି କରିଛନ୍ତି l

ଅନ୍ୟପଟେ ବେଡ଼ ସମସ୍ୟାକୁ ସ୍ବୀକାର କରିଛନ୍ତି ଜିଲ୍ଲା ମୁଖ୍ୟ ଚିକିତ୍ସା ଅଧିକାରୀ। ସମସ୍ୟା ସଂପର୍କରେ ସରକାରଙ୍କୁ ବହୁପୂର୍ବରୁ ଅବଗତ କରାଯାଇଛି।  ଆବଶ୍ୟକ ଅନୁଯାୟୀ ବେଡ ସଂଖ୍ଯା ବଢ଼ାଇବା ନେଇ ପଦକ୍ଷେପ ନିଆଯିବ ବୋଲି  ସଫେଇ ଦେଇଛନ୍ତି ଜିଲ୍ଲା ମୁଖ୍ୟ ଚିକିତ୍ସା ଅଧିକାରୀ । ସରକାର ସୁସ୍ଥ ନାରୀ ଶସକ୍ତ ପରିବାରର ନାରା ଦେଉଥିବା ବେଳେ ଅନ୍ୟପଟେ ନବଜାତ ଓ ପ୍ରସ୍ତୁତି ବେଡ ନ ମିଳିବା ଯନ୍ତ୍ରଣାଦାୟକ ନିଶ୍ଚିତ ।