SI ପରୀକ୍ଷା ଜାଲିଆତି ଘଟଣା, ସିଲିକନ ଟେକଲ୍ୟାବ ପ୍ରାଇଭେଟ ଲିମିଟେଡ ପ୍ରତିଷ୍ଠାତା ସିଇଓଙ୍କୁ ଜେରା
1 min read
ଭୁବନେଶ୍ବର : ଏସଆଇ ପରୀକ୍ଷା ଜାଲିଆତି ଘଟଣା। ସିଲିକନ ଟେକଲ୍ୟାବ ପ୍ରାଇଭେଟ ଲିମିଟେଡ ପ୍ରତିଷ୍ଠାତା ସିଇଓ ସୁରେଶ ଚନ୍ଦ୍ର ନାୟକଙ୍କୁ ଜେରା। କ୍ରାଇମବ୍ରାଞ୍ଚ ଅଫିସରେ ସୁରେଶଙ୍କୁ ଚାଲିଛି ପଚରାଉଚରା। ସୁରେଶଙ୍କ ସହ ପଞ୍ଚସଫ୍ଟର ଜଣେ ମ୍ୟାନେଜରଙ୍କୁ ମଧ୍ୟ ଜେରା କରୁଛି କ୍ରାଇମବ୍ରାଞ୍ଚ । ପଞ୍ଚସଫ୍ଟର ମାଲିକ ଶଙ୍କର ପୃଷ୍ଟି ଫେରାର ଅଛନ୍ତି। ଏହାସହ ଦଲାଲ ମୁନା ମହାନ୍ତି ମଧ୍ୟ ଫେରାର ଅଛନ୍ତି। ୧୧୪ ଜଣ ପରୀକ୍ଷାର୍ଥୀଙ୍କ ଅରିଜିନାଲ ପ୍ରମାଣପତ୍ର ଧରି ଫେରାର ହୋଇଯାଇଥିବା ଜଣାପଡିଛି। ଜାଲିଆତି ଘଟଣାରେ ବହୁ ଲୋକଙ୍କ ତାଲିକା ପ୍ରସ୍ତୁତ କରିଛି କ୍ରାଇମବ୍ରାଞ୍ଚ । SI ପରୀକ୍ଷା ପାଇଁ OPRB ITIକୁ ଦାୟିତ୍ୱ ଦେଇଥିଲା । ITI ଗୁଜୁରାଟର ରିଚ ମାଇନସ ଡିଜିଟାଲକୁ ଦାୟିତ୍ୱ ଦେଇଥିଲା । ଗତ ଏପ୍ରିଲ ମାସରେ OPRB ରିଚ ମାଇନସକୁ ହଟାଇ ସିଲିକନକୁ ଦାୟିତ୍ବ ଦେଇଥିଲା। ପରେ ସିଲିକନ ସଲ୍ୟୁସନ, ବ୍ରହ୍ମପୁରର ପଞ୍ଚସଫ୍ଟ ଟେକ୍ନୋଲୋଜି ପ୍ରାଇଭେଟ ଲିମିଟେଡକୁ ପରୀକ୍ଷା ପରିଚାଳନା କାମ ସବଲେଟ କରିଥିଲା । ୨୦୧୭ ପଞ୍ଚାୟତ ନିର୍ବାଚନରେ ଜଣେ ସରପଞ୍ଚ ପ୍ରାର୍ଥୀଙ୍କୁ ହତ୍ୟା ଅଭିଯୋଗରେ ପଞ୍ଚସଫ୍ଟର ମୁଖ୍ୟ ଶଙ୍କର ପୃଷ୍ଟିଙ୍କ ନାଁରେ ଆସିଥିଲା ଅଭିଯୋଗ।
