କପିଲ ଶର୍ମାଙ୍କୁକଲି କରି ଏକ କୋଟି ଟଙ୍କା ଦାଦାବଟି ମାଗିଥିବା ଅଭିଯୁକ୍ତକୁ ବାନ୍ଧିଲା କ୍ରାଇମବ୍ରାଞ୍ଚ

ନନ୍ଦିଘୋଷ ବ୍ୟୁରୋ: ହାସ୍ୟ ଅଭିନେତା କପିଲ ଶର୍ମାଙ୍କୁ ଧମକ ଦେଇ ଦାଦାବଟି ମାଗିଥିବା ଅଭିଯୁକ୍ତ କ୍ରାଇମବ୍ରାଞ୍ଚ ପଞ୍ଝାରେ । ଅଭିଯୁକ୍ତ ଜଣଙ୍କ ପଶ୍ଚିମବଙ୍ଗର ବୋଲି ଜଣାପଡିଛି । କପିଲ ଶର୍ମାଙ୍କୁ ୭ ଥର କଲ୍ କରି ଏକ କୋଟି ଟଙ୍କା ଦାଦାବଟି ଦେବାକୁ ଦାବି କରିଥିଲା ଅଭିଯୁକ୍ତ । ଏହାସହ ଡରାଇବାକୁ କପିଲଙ୍କ ପାଖକୁ ପଠାଇଥିଲା ଭିଡିଓ । ଏନେଇ କପିଲ ଅଭିଯୋଗ କରିବା ପରେ କ୍ରାଇମବ୍ରାଞ୍ଚ ଅଭିଯୁକକୁ ଗିରଫ କରିଛି ।

ପୋଲିସ ସୂଚନା ଅନୁସାରେ, ଅଭିଯୁକ୍ତ ଏକାଧିକ ଥର କପିଲଙ୍କୁ କଲ୍ କରି ଟଙ୍କା ମାଗିବା ସହ ଭିଡିଓ ପଠାଇଥିଲା । ଗତ ୨୨ ଓ ୨୩ ତାରିଖରେ ଏହି ଘଟଣା ଘଟିଥିଲା । ଅଭିଯୁକ୍ତ ଜଣକ କୁଖ୍ୟତ ଗ୍ୟାଙ୍ଗଷ୍ଟର ରୋହିତ ଗୋଦାରା ଏବଂ ଗୋଲ୍ଡି ବରାଡର ନାଁ ନେଇ ଧମକ ଦେଉଥିଲା । ତେବେ ଗିରଫ ଅଭିଯୁକ୍ତର ଏହି ଗ୍ୟାଙ୍ଗଷ୍ଟରଙ୍କ ସହ ସମ୍ପର୍କ ଅଛି କି ନାହିଁ ତାହାର ଯାଞ୍ଚ ଆରମ୍ଭ କରିଦେଇଛି କ୍ରାଇମବ୍ରାଞ୍ଚ ।

ମିଳିଥିବା ତଥ୍ୟ ଅନୁସାରେ, ଗିରଫ ଅଭିଯୁକ୍ତର ନାଁ ଦିଲୀପ ଚୌଧୁରୀ । ୨୨ ଓ ୨୩ ସେପ୍ଟେମ୍ବରକୁ ୭ ଥର କଲ କରି ଧମକ ଦେବା ସହ ୧ କୋଟି ଟଙ୍କା ମାଗିଥିଲା । ଦୁଇଟି ନମ୍ବରରୁ ଅଭିଯୁକ୍ତ କପିଲ ଶର୍ମାଙ୍କୁ ଏସବୁ କଲ କରିଥିଲା । ପଶ୍ଚିମବଙ୍ଗରୁ ଅଭିଯୁକ୍ତକୁ ଗିରଫ କରାଯିବା ପରେ ପଚରାଉଚରା ପାଇଁ ମୁମ୍ବାଇ ନିଆଯାଇଛି । ଅଭିଯୁକ୍ତକୁ ଏକ୍ସପ୍ଲାନେଣ୍ଟ କୋର୍ଟରେ ହାଜର କରିବା ପରେ ୩୦ ସେପ୍ଟେମ୍ବର ପର୍ଯ୍ୟନ୍ତ ବିଜାର ବିଭାଗୀୟ ହାଜତକୁ ପଠାଇ ଦିଆଯାଇଛି ।