ଜୋର ଧରିଲା ବିଦ୍ୟୁତ ବିଭାଗରେ ଠିକା ପ୍ରଥା ଉଛେଦ ଦାବି। ବିଦ୍ୟୁତ ବିଭାଗରେ ଠିକା ପ୍ରଥା ଉଛେଦ କରିବା ସହ ସମସ୍ତ କର୍ମଚାରୀଙ୍କୁ ସ୍ଥାୟୀ ନିଯୁକ୍ତି ପ୍ରଦାନ କରିବା ପାଇଁ “ପାୱାର ସପ୍ଲାୟ ୟୁନିଅନ” ଯାଜପୁର ଶାଖା ପକ୍ଷରୁ ଦାବି କରାଯାଇଛି । ଦଶରଥପୁର ସ୍ଥିତ କଣ୍ଠ ମଣ୍ଡପଠାରେ ଆୟୋଜିତ ଏକ ସଭାରେ ଦଶରଥପୁର, ବିଞ୍ଝାରପୁର ଓ ଯାଜପୁର ଉପଖଣ୍ଡର ସମସ୍ତ ଠିକା କର୍ମଚାରୀମାନେ ଏକ ବୈଠକ ଅୟୋଜନ କରିଥିଲୋ। ଯେଉଁଥିରେ କି କାର୍ଯ୍ୟ ସମୟରେ ସମ୍ମୁଖୀନ ହେଉଥିବା ଅସୁବିଧା ସମ୍ପର୍କରେ ଆଲୋଚନା କରିବା ସହ କାର୍ଯ୍ୟ କରିବା ପାଇଁ ଆବଶ୍ୟକୀୟ ଉପକରଣ ବିଦ୍ୟୁତ ବିଭାଗ ପ୍ରଦାନ କରୁନଥିବା ନେଇ ଅଭିଯୋଗ କରିଥିଲେ। ଅନ୍ୟପଟେ ବର୍ଷ ବର୍ଷ ଧରି ବିଦ୍ୟୁତ ବିଭାଗରେ ଠିକାରେ କାମ କରୁଥିବାରୁ ଯଥାଶୀଘ୍ର ବିଦ୍ୟୁତ ବିଭାଗ ଓ ରାଜ୍ୟ ସରକାର ସେମାନଙ୍କୁ ସ୍ଥାୟୀ ନିଯୁକ୍ତି ପ୍ରାଦନ କରିବାକୁ ଦାବି ହୋଇଥିଲା।
