ବିହାରରେ କଂଗ୍ରେସର ଭୋଟ ଅଧିକାର ଯାତ୍ରାକୁ ବିପୁଳ ଜନସମର୍ଥନ ; ଆଜି ବରାରିରୁ ପୂର୍ଣ୍ଣିଆ ଓ କତିହାର ଦେଇ ଯିବ ରାଲି

ନନ୍ଦିଘୋଷ ବ୍ୟୁରୋ: ବିହାରରେ କଂଗ୍ରେସର ଭୋଟ ଅଧିକାର ଯାତ୍ରାକୁ ବିପୁଳ ଜନସମର୍ଥନ । ଭୋଟ ଅଧିକାର ଯାତ୍ରା ରୁଟରେ ସାମିଲ ହେଉଛନ୍ତି ହଜାର ହଜାର ଲୋକ । ଆଜି ଏହି ରାଲି ବରାରିରୁ ପୂର୍ଣ୍ଣିଆ ଓ କତିହାର ଯିବ । ୧୬ ଦିନର ଏହି ଯାତ୍ରା ଅତିକ୍ରମ କରିବ ୨୦ ଜିଲ୍ଲାର ୧୩୦୦ କିଲୋମିଟର ରାସ୍ତା । ବିହାର ଭୋଟ ଚୋରି ବିରୋଧରେ ଚାଲିଥିବା ଏହି ଅଭିଯାନକୁ ସହଯୋଗୀ ଦଳ ପକ୍ଷରୁ ବି ସମର୍ଥନ କରାଯାଉଛି । ଆସନ୍ତା ୧ରେ ପାଟନାରେ ଏହି ରାଲି ଶେଷ ହେବ ଏବଂ ସେଠାରେ ବିଶାଳ ସମାବେଶର ଆୟୋଜନ କରାଯାଇଛି । ଏହି ଯାତ୍ରାକୁ ଏକ ରାଜନୈତିକ ଅଭିଯାନ ନୁହେଁ ବରଂ ଏକ ସାମ୍ବିଧାନିକ ଯୁଦ୍ଧ ବୋଲି କଂଗ୍ରେସ କହିଛି ।

ଔରଙ୍ଗାବାଦ, ଗୟା, ନାଳନ୍ଦା, ଶେଖପୁରା, ମୁଙ୍ଗେର, ଭାଗଲପୁର, ପୂର୍ଣ୍ଣିଆ, ଦରଭଙ୍ଗା, ସୀତାମଢି, ଚମ୍ପାରନ, ସିବନ, ଛାପ୍ରା ଓ ଆରା ଦେଇ ଏହି ରାଲି ପାଟନାରେ ପହଞ୍ଚିବ। ଗତ ୧୭ରେ ସାସାରାମରୁ ଆରମ୍ଭ ହୋଇଥିଲା ଅଭିଯାନ।