କେନ୍ଦୁଝର ଯୋଡ଼ା ମ୍ୟୁନିସିପାଲିଟିରେ ବିପର୍ଯ୍ୟସ୍ତ ପରିମଳ ବ୍ୟବସ୍ଥା

ଚମ୍ପୁଆ : ରାସ୍ତା କଡରେ ପଡିଛି କୁଢକୁଢ ଅଳିଆ ଆବର୍ଜନା । ଭାଙ୍ଗିଗଲାଣି ଡ୍ରେନ । ସବୁଠି ପୁତିଗନ୍ଧମୟ ପରିବେଶ । ନାଁକୁ ମାତ୍ର ଗଡୁଛି ସଫେଇ ଗାଡି । କେନ୍ଦୁଝର ଜିଲ୍ଲା ଯେlଡା ମ୍ୟୁନିସିପାଲିଟିରେ ବିପର୍ଯ୍ଯସ୍ତ ହୋଇପଡିଛି ପରିମଳ ବ୍ଯବସ୍ଥା । ଯାହାକୁ ନେଇ ସ୍ଥାନୀୟ ଲୋକଙ୍କ ମଧ୍ଯରେ ଅସନ୍ତୋଷ ତେଜିବାରେ ଲାଗିଛି । ଖଣି ଖାଦାନ ଭରା ଯେlଡା ମ୍ୟୁନିସିପାଲିଟିର ୧୪ଟି ଓ୍ବାର୍ଡର ସଫେଇ ଦାୟିତ୍ବ ନେଇଥିବା ଠିକାଦାର ଓ ବିଭାଗୀୟ ଅଧିକାରୀଙ୍କ ସଲାସୁତରାରେ ସଫେଇ କାମ ଏକ ପ୍ରକାର ପ୍ରହସନରେ ପରିଣତ ହୋଇଥିବା ଅଭିଯୋଗ ହୋଇଛି ।

ଯୋଡା ପୌରାଞ୍ଚଳର ବିଭିନ୍ନ ୱାର୍ଡରୁ ବର୍ଜ୍ଯବସ୍ତୁ ସଂଗ୍ରହ ପାଇଁ କିଣା ଯାଇଥିବା ବହୁ ଗାଡି ବ୍ଯବହାର ହୋଇ ନପାରି ବିଭାଗୀୟ କାର୍ଯ୍ଯାଳୟ ପରିସରରେ ଖତ ଖାଉଛି । ମାତ୍ର ପ୍ରତି ୱାର୍ଡରେ ଗଦା ହୋଇଛି କୁଢକୁଢ ଆବର୍ଜନା । ନା ସଫେଇ କାମ ଠିକ ସେ ହେଉଛି ନା ୱାର୍ଡରେ ଠିକ ଭାବରେ ବ୍ଲିଚିଂ ପାଉଡର, ମଶାତେଲ ,ଫିନାଇଲ ସିଞ୍ଚନ କରାଯାଉଛି । ଫଳରେ ବିଭିନ୍ନ ୱାର୍ଡରେ ସଂପୂର୍ଣ୍ଣ ବିପର୍ଯ୍ଯସ୍ତ ହୋଇପଡିଛି ପରିମଳ ବ୍ଯବସ୍ଥା । ମଶାମାନଙ୍କର ପ୍ରାଦୂର୍ଭାବ ବଢିବାରେ ଲାଗିଛି । ଫଳରେ ଯୋଡା ପୌରାଞ୍ଚଳବାସୀଙ୍କୁ ଡେଙ୍ଗୁ ଓ ମ୍ଯାଲେରିଆ ରୋଗ ହେବାର ସମ୍ଭାବନା ବଢିଯାଇଛି । ଅନ୍ଯପଟେ ସଫେଇ କାମ ଠିକ ଠାକ ଚାଲିଥିବା କହିଛନ୍ତି ପୌରପରିଷଦ ନିର୍ବାହୀ ଅଧିକାରୀ। ଗେlଟିଏ ପଟେ ସଫେଇକୁ ନେଇ ପୌର କର୍ତ୍ତୣପକ୍ଷ ସନ୍ତୁଷ୍ଟି ପ୍ରକାଶ କରୁଥିବା ବେଳେ ଅନ୍ୟପଟେ ସଫେଇ ଅନିୟମିତତାକୁ ନେଇ ଓ୍ବାର୍ଡବାସୀଙ୍କ ମଧ୍ୟରେ ଜମାଚ ବାନ୍ଧିବାରେ ଲାଗିଛି ଅସନ୍ତୋଷ । ଲୋକଙ୍କ ଅସନ୍ତୋଷକୁ ଦୃଷ୍ଟିରେ ରଖି ପୌର କର୍ତ୍ତୃପକ୍ଷ ସଫେଇକୁ ଅଧିକ ଗୁରୁତ୍ଵ ଦେବେ କି ନାହିଁ ତାହା ଦେଖିବାକୁ ବାକି ରହିଲା ।