ନୃଶଂସ ନୁହେଁ ମାନବ ସମାଜ, ଏଠି କୁକୁରକୁ ବି ମିଳେ ଚାରି କାନ୍ଧ
ଅନୁଗୁଳ: ବେଳେ ବେଳେ ହଜି ଯାଉଛି ମାନବିକତା । ମଲା ପରେ ମଣିଷକୁ ମଶାଣିକୁ ନେବା ପାଇଁ ମିଳୁନି ଚାରି କାନ୍ଧ । କିନ୍ତୁ ଏଠି ଏକ କୁକୁରକୁ ଚାରିକାନ୍ଧ ମିଳିଛି । ମଲା ପରେ ମଣିଷକୁ ସମ୍ମାନର ସହ କୋକେଇରେ ଶ୍ମଶାନକୁ ନେଲା ଭଳି, ଗୋଟିଏ କୁକୁରର ସେମିତି ସଂସ୍କାର କରାଯାଇଛି ।
ଅନୁଗୁଳ ଜିଲ୍ଲା ବନ୍ତଳା ଥାନା ଖିଣ୍ଡା ତ୍ରିବେଣୀ ଛକରେ ଗୋଟିଏ ବିଶ୍ୱସ୍ତ କୁକୁର ରାତିରେ ଦୋକାନ ଜଗିଥାଏ । ଦୋକାନୀ ବିନା ଚିନ୍ତାରେ ଘରକୁ ଯାଇଥାନ୍ତି । କିନ୍ତୁ ହଠାତ୍ ଏକ ଗାଡ଼ି ଧକ୍କାରେ କୁକୁରଟି ପ୍ରାଣ ହରାଇଥିଲା ।
ତେବେ ଦୋକାନୀମାନେ ତା’ ଋଣ ଶୁଝିବାକୁ ଚେଷ୍ଟା କରିଛନ୍ତି । ତାକୁ କୋକେଇରେ ନେଇ ରୀତିନୀତି ଅନୁସାରେ ଶବ ସଂସ୍କାର କରିଛନ୍ତି । ବାଜା ବଜାଇ କୁକୁର ଶବକୁ ମଶାଣିକୁ ନେଇ ସଂସ୍କାର କରାଯାଇଛି ।
