କୁକିଂ ରିଆଲିଟି ସୋ’ ‘ମାଷ୍ଟର ସେଫ୍ ଇଣ୍ଡିଆ’ର ଟାଇଟଲ ହାସଲ କଲେ ଓଡ଼ିଆ ପୁଅ ଅବିନାଶ ନାୟକ

ନୂଆଦିଲ୍ଲୀ: ଜାତୀୟସ୍ତରର ରିଆଲିଟି ସୋ’ରେ ଓଡ଼ିଆ ପୁଅଙ୍କ କମାଲ । ଲୋକପ୍ରିୟ ରିଆଲିଟି ସୋ’ ‘ମାଷ୍ଟର ସେଫ ଇଣ୍ଡିଆ’ର ବିଜୟୀ ହୋଇଛନ୍ତି ଅବିନାଶ ନାୟକ । ସିଜିନ-6ର ୱିନର ଅବିନାଶଙ୍କୁ ୨୫ ଲକ୍ଷ ଟଙ୍କା ପୁରସ୍କାର ରାଶି ପ୍ରଦାନ କରାଯାଇଛି । ପ୍ରଥମରୁ ହିଁ ଚିକେନ ବେସର କରି ବିଚାରମଣ୍ଡଳୀଙ୍କ ପ୍ରଶଂସା ସାଉଁଟିଥିଲେ ଅବିନାଶ । ମାଷ୍ଟର ସେଫ୍‌ ସୋ’ରେ ଭାଗ ନେଇଥିବା ପ୍ରଥମ ଓଡ଼ିଆ ହେଉଛନ୍ତି ଅବିନାଶ ।

ଗଂଜାମ ଆସିକା କାଳଷଣ୍ଢପୁରରେ ଅବିନାଶଙ୍କ ଘର । ଭୁବନେଶ୍ୱରର ଏକ ଘରୋଇ ଇଂଜିନିୟରିଂ କଲେଜରେ ଶିକ୍ଷାଲାଭ ପରେ ହାଇଦ୍ରାବାଦରେ ଚାକିରୀ କରୁଛନ୍ତି ।  ୨୦୧୯ରେ ମାଷ୍ଟରସେଫ୍‌ ଲୋକିକୁକ୍‌ ଫେଲୋସିପ୍‌ ପୁରସ୍କାର ପାଇଥିଲେ ଅବିନାଶ । ସେହିପରି ୨୦୧୮ରେ ସେ ହଙ୍ଗରି ଫର ହଳଦୀରାମ ପୁରସ୍କାର ବିଜୟୀ ହୋଇଥିଲେ । ୩୫ ବର୍ଷୀୟ ଅଣ୍ଡ୍ରିଲା ବାଲା ମାଷ୍ଟରସେଫ ସୋର ରନର୍ସ ଅପ ହୋଇଛନ୍ତି । ଚଳିତ ସିଜନରେ ସେଲିବ୍ରିଟି ସେଫ ବିକାଶ ଖାନ୍ନା, ରଣବୀର ବ୍ରାର ଏବଂ ବିନୀତ ଭାଟିଆ ଜଜ୍‌ ଥିଲେ ।