ଆରଟିଓ ଅଫିସରେ ଲାଞ୍ଚୁଆ ବାବୁ, ୭ଶହ ଟଙ୍କାରେ ଡ୍ରାଇଭିଂ ଟେଷ୍ଟିଙ୍ଗରେ କରାଯାଉଛି ପାସ୍

ନୟାଗଡ଼: ୭ଶହ ଟଙ୍କା ଦେଲେ, ଡ୍ରାଇଭିଂ ଟେଷ୍ଟିଙ୍ଗରେ ପାସ୍ । ଗାଡ଼ି ଚଲାଇ ଶିଖିଥାନ୍ତୁ ବା ନଥାନ୍ତୁ ଟଙ୍କା ଦେଲେ ଚୁଟକିରେ ପାସ୍ ହୋଇଯିବେ ଆପଣ । ନୟାଗଡ଼ ଆରଟିଓ ଅଫିସରେ ଚାଲିଛି ଏଭଳି କଳା କାରନାମା । ଆଉ ଏଥିରେ ସାମିଲ ଅଛନ୍ତି ଖୋଦ ଆରଟିଓ ଅଫିସର ଲାଞ୍ଚୁଆ ବାବୁ । ଫୋନ କରି ଖୁଲମଖୁଲା ମାଗୁଛନ୍ତି ଟଙ୍କା । ଟଙ୍କା ଦେଲେ ହିଁ ଡ୍ରାଇଭିଂ ପରୀକ୍ଷାରେ ପାସ୍ ହୋଇପାରିବେ ।

ଅଫିସରେ ଲାଞ୍ଚୁଆ ବାବୁ ଏବଂ ଅଫିସ ବାହାରେ ଦଲାଲଙ୍କ ଜାଲରେ ପଡୁଛନ୍ତି ଆବେଦନକାରୀ । ପ୍ରଶାସନିକ ନିୟମକୁ ବେଖାତିର କରି ଆବେଦନକାରୀଙ୍କ ଠାରୁ ଚାଲିଛି ଲୁଟପାଟ । ଏନେଇ ଜିଲ୍ଲାପାଳଙ୍କ ପାଖରେ ଅଭିଯୋଗ କରିବା ପରେ, ଦଲାଲରାଜକୁ କୈାଣସି ପରିସ୍ଥିତିରେ ଗ୍ରହଣ କରାଯିବ ନାହିଁ ବୋଲି କହିଛନ୍ତି । ଘଟଣାର ତଦନ୍ତ ପରେ କାର୍ଯ୍ୟାନୁଷ୍ଠାନ ନିଆଯିବ ବୋଲି କହିଛନ୍ତି ଜିଲ୍ଲାପାଳ ।