ମାର୍ଚ୍ଚ ୩୧ ପରେ ଆଉ କାମ ଦେବନି ପ୍ୟାନ କାର୍ଡ

ଭୁବନେଶ୍ୱର: ଟ୍ୟାକ୍ସ ପେୟରଙ୍କ ଲାଗି ଗୁରୁତ୍ୱପୂର୍ଣ୍ଣ ଖବର । ମାର୍ଚ୍ଚ ୩୧ ପରେ କାମ ଦେବନି ପ୍ୟାନ କାର୍ଡ । ଆସନ୍ତା ମାର୍ଚ୍ଚ ୩୧ ତାରିଖ ସୁଦ୍ଧା ଯଦି ଆପଣ ନିଜ ଆଧାର କାର୍ଡ ସହ ପ୍ୟାନ କାର୍ଡ ଲିଙ୍କ ନକାରାଉଛନ୍ତି ତେବେ ଆପଣଙ୍କ ପ୍ୟାନ କାର୍ଡ ଆଉ କାମ ଦେବ ନାହିଁ ।

ଆୟକର ବିଭାଗ ଏଭଳି ଏକ ନିର୍ଦ୍ଦେଶ ଦେଇଛନ୍ତି । ପୂର୍ବରୁ ପ୍ୟାନ କାର୍ଡକୁ ଆଧାର ସହିତ ସଂଯୋଗ କରିବା ଲାଗି ଅନେକ ଥର ଡେଡ୍ ଲାଇନ ଘୁଞ୍ଚା ଯାଇଥିବାବେଳେ ଏଥର ମାର୍ଚ୍ଚ ୩୧ ରହିଛି ଶେଷ ଡେଡ୍ ଲାଇନ ।

ତେବେ ଜାନୁୟାରୀ ୨୦୨୦ ସୁଦ୍ଧା ୩୦ କୋଟି ୭୫ ଲକ୍ଷ ପ୍ୟାନ କାର୍ଡ ଧାରୀ ଆଧାର ସହ ପ୍ୟାନ ଲିଙ୍କ କରାଇଛନ୍ତି । ଏବେବି ଆହୁରି ୧୭କୋଟିରୁ ଉର୍ଦ୍ଧ୍ୱ ପ୍ୟାନ କାର୍ଡ ଧାରୀ ଅଛନ୍ତି ଯେଉଁମାନେ ପ୍ୟାନକୁ ଆଧାର ସହ ସଂଯୋଗ କରି ନାହାନ୍ତି । ତୁରନ୍ତ ସେମାନଙ୍କୁ ପ୍ୟାନ ଆଧାର ସଂଯୋଗ ଲାଗି ଅନୁରୋଧ କରାଯାଇଛି ।