ଶ୍ରୀନଗର : ଜୋର ଧରିଲା ଜାମ୍ମୁ ଓ କାଶ୍ମୀରକୁ ପୂର୍ଣ୍ଣ ରାଜ୍ୟ ମାନ୍ୟତା ଦାବି। ଏନେଇ ଆଜି ଜାମ୍ମୁ ଓ କାଶ୍ମୀରରେ କଂଗ୍ରେସ କରିବ ବିକ୍ଷୋଭ। ଏହି ଦାବି ନେଇ ଆସନ୍ତା ୨୨ରେ ସଂସଦ ଘେରାଉ କରିବାକୁ ଦଳ ନିଷ୍ପତ୍ତି ନେଇଛି। ଆଜି ଜାମୁ ରାଜଭବନ ସମ୍ମୁଖରେ ଦଳ କରିବ ପ୍ରତିବାଦ ଆନ୍ଦୋଳନ। ଜାମ୍ମୁ ଓ କାଶ୍ମୀର ପିସିସି ସଭାପତି ତାରିକ ହମିଦ କାରା କହିଛନ୍ତି- ସମ୍ପୂର୍ଣ୍ଣ ରାଜ୍ୟ ମାନ୍ୟତା ମିଳିବା ଯାଏ ଦଳ ସଂଗ୍ରାମ କରି। ୨୧ରେ ଦିଲ୍ଲୀ ଚଲୋ ଅଭିଯାନ କରାଯିବା ସହ ୨୨ରେ ପାର୍ଲାମେଣ୍ଟ ଘେରାଉ କରାଯିବ। ପୂର୍ଣ୍ଣ ରାଜ୍ୟ ପାହ୍ୟା ଦେବା ଲାଗି ପ୍ରଧାନମନ୍ତ୍ରୀଙ୍କୁ ଏଆଇସିସି ସଭାପତି ମଲ୍ଲିକାର୍ଜୁନ ଖଡଗେ ଓ ବିରୋଧୀ ଦଳ ନେତା ରାହୁଲ ଗାନ୍ଧି ପତ୍ର ଲେଖିବା ପରେ ଏହି ଦାବି ଜୋର ଧରିଛି। ସଂସଦ ଅଧିବେଶନ ବେଳ ଏନେଇ ଏକ ବିଲ ଆଣିବାକୁ ସେମାନେ ଦାବି କରିଥିଲେ। ଏହି ବିକ୍ଷୋଭରେ ଦଳର ବରିଷ୍ଠ ନେତା, ବିଧାୟକ, ମନ୍ତ୍ରୀ, ପୂର୍ବତନ ମନ୍ତ୍ରୀ ପ୍ରମୁଖ ସାମିଲ ହେବେ।
