AIIMS ରିସର୍ଚ୍ଚରେ ଦାବି: ଠିକରେ ବ୍ରସ ନକଲେ କ୍ୟାନସର, ହୃଦରୋଗ, ଡାଇବେଟିସ୍….!
1 min read
ନୂଆଦିଲ୍ଲୀ: ପିତାମାତାମାନେ ସେମାନଙ୍କର ପିଲାଙ୍କୁ ଦିନକୁ ଦୁଇଥର ଦାନ୍ତ ସଫା କରିବାକୁ ପରାମର୍ଶ ଦେଇଥାନ୍ତି । ଏହାଦ୍ବାରା ଦାନ୍ତ ପରିଷ୍କାର ରହିବା ସହ ଓରଲ ହେଲଥ ମଧ୍ୟ ବଢ଼ିଆ ହୋଇଥାଏ । ଏହା ମଧ୍ୟରେ ଏମ୍ସ ଦିଲ୍ଲୀ ପକ୍ଷରୁ କରାଯାଇଥିବା ଏକ ରିସର୍ଚ୍ଚ ରିପୋର୍ଟ ସାମ୍ନାକୁ ଆସିଛି । ଆପଣ ଯଦି ନିଜର ଓରଲ ହେଲଥର ଯତ୍ନ ଠିକରେ ନେଉନାହାନ୍ତି, ତେବେ ଆପଣଙ୍କୁ କ୍ୟାନସର ସହିତ କିଛି ଗମ୍ଭୀର ବିମାରୀ ହୋଇପାରେ । ଯଦି ଓରଲ ହେଲଥ ଠିକ୍ ଥିବ, ତେବେ ସବୁ ବିମାରୀର ଆଶଙ୍କା କମ୍ ହୋଇଯିବ । ଯଦି ମୁହଁକୁ ଠିକ୍ ଭାବେ ଦେଖାଶୁଣା କରାନଯାଏ, ତେବେ ଏହା କିଛି ଗମ୍ଭୀର ବିମାରୀର କାରଣ ସାଜିପାରେ । ଦାନ୍ତ ଓ ମାଢ଼ିକୁ ଦୈନିକ ସଫା କରିବା ଉଚିତ ବୋଲି ଏହି ରିସର୍ଚ୍ଚରେ ସ୍ପଷ୍ଟ ଭାବେ କୁହାଯାଇଛି ।
ରିସର୍ଚ୍ଚରେ କୁହାଯାଇଛି, ନିଜର ଦାନ୍ତକୁ ଓ ମାଢ଼ିର ଦେଖାଶୁଣା କରିବାର ଅର୍ଥ କେବଳ ଦୁର୍ଗନ୍ଧ ଦୂର କରିବା ନୁହେଁ । ଏହା ଆପଣଙ୍କର ଓଭରାଲ ହେଲଥ ସହ ଗଭୀର ଭାବେ ଜଡ଼ିତ ଓ ଅନେକ ଗମ୍ଭୀର ହେଲଥ ସମସ୍ୟାକୁ କମ୍ କରିବାର ସହାୟକ ହୋଇପାରେ । ସେଥିମଧ୍ୟରେ କ୍ୟାନସର, ହୃଦରୋଗ, ଡାଇବେଟିସ, ପ୍ରେଗନାନ୍ସି, ଅଲଜାଇମର ପରି ପ୍ରାଣଘାତୀ ବିମାରୀ ସାମିଲ ରହିଛି । ଖରାପ ଓରାଲ ହାଇଜିନ ସହ କ୍ୟାନସର, ଖାସ କରି ମୁଣ୍ଡ ଓ ଗର୍ଦ୍ଦନ କ୍ୟାନସରର ଗଭୀର ସମ୍ପର୍କ ରହିଛି । ମୁହଁରେ ଥିବା କିଛି ହାନିକାରଣ ବ୍ୟାକ୍ଟେରିଆ କ୍ୟାନସରର ସମ୍ଭାବନାକୁ ବଢ଼ାଇଥାନ୍ତି । ତେଣୁ ସକାଳୁ ଓ ଶୋଇବାକୁ ଯିବା ପୂର୍ବରୁ ଫ୍ଲୋରାଇଲ ଟୁଥେପଷ୍ଟରେ ଦାନ୍ତକୁ ବ୍ରସ କରନ୍ତୁ । ବ୍ରସକୁ ଧୀରେଧୀରେ ଗୋଲ-ଗୋଲ ବୁଲାନ୍ତୁ । କୀଟାଣୁଙ୍କୁ ମାରିବା, ମୁହଁକୁ ଫ୍ରେସ ରଖିବା ପାଇଁ ଆଣ୍ଟିବ୍ୟାକ୍ଟେରିୟଲ ମାଉଥଓ୍ବାସ ବ୍ୟବହାର କରନ୍ତୁ । ମିଠା ସ୍ନାକ୍ସ ଓ ପାନୀୟ ସୀମିତ ମାତ୍ରାରେ ଖାଆନ୍ତୁ । ମଜବୁତ ଦାନ୍ତ ଓ ହାଡ଼ ପାଇଁ କ୍ୟାଲସିୟମ ଭରପୁର ଫୁଡସ ଯେପରିକି ଦୁଗ୍ଧଜାତ ସାମଗ୍ରୀ, ସବଜିକୁ ସାମିଲ କରନ୍ତୁ । ନିଜର ଟୁଥବ୍ରସକୁ ନିୟମିତ ଭାବେ ୩-୪ ମାସରେ ବଦଳାନ୍ତୁ । ମୁହଁକୁ ହାଇଡ୍ରେଟ ରଖିବା ପାଇଁ ପର୍ଯ୍ୟାପ୍ତ ପାଣି ପିଅନ୍ତୁ । ଧୂମ୍ରପାନ ଠାରୁ ଦୂରେଇ ରୁହନ୍ତୁ ।
