Starlink ଭାରତକୁ ଆସିଲେ Jio ଏବଂ Airtel ପାଇଁ କେତେ ଚ୍ୟାଲେଞ୍ଜ ସୃଷ୍ଟି ହେବ?

ଏଲନ ମସ୍କଙ୍କ ଇଲେକ୍ଟିକ କାର କମ୍ପାନୀ ଟେସଲା ଭାରତରେ ପ୍ରବେଶ କରି ସାରିଛି । ଏବେ ଷ୍ଟାରଲିଙ୍କକୁ ଅପେକ୍ଷା । ମାତ୍ର ଷ୍ଟାରଲିଙ୍କ ଭାରତରେ କିଛି କମାଲ କରିପାରିବ କି ବୋଲି ଏବେ ପ୍ରଶ୍ନ ଉଠିଛି । ଭାରତକୁ ଷ୍ଟାରଲିଙ୍କ ଆସିବା ଫଳରେ ଜିଓ, ଏୟାରଟେଲ ଓ ଭିଆଇ ଉପରେ ବହୁତ ପ୍ରଭାବ ପଡ଼ିପାରେ ବୋଲି କିଛି ଲୋକ ଭାବୁଛନ୍ତି । ଷ୍ଟାରଲିଙ୍କ ଭାରତୀୟ ଟେଲିକମ ସେକ୍ଟରରେ କ’ଣ ନୂଆ କରିପାରିବ? ସବୁଠାରୁ ବଡ଼ କଥା ହେଉଛି, ଷ୍ଟାରଲିଙ୍କ କେଉଁ ସବୁ ଲୋକଙ୍କୁ ଟାର୍ଗେଟ କରୁଛି ଓ ତା’ର ଉଦ୍ଦେଶ୍ୟ କ’ଣ ? ଏହିସବୁକୁ ବୁଝିବାକୁ ହେଲେ ଆମକୁ ଷ୍ଟାରଲିଙ୍କ ଓ ଭାରତୀୟ ପ୍ଲେୟାର୍ସଙ୍କ ସର୍ଭିସ, କାମ କରିବାର ତରିକା ଭିତରେ ଅନ୍ତରକୁ ବୁଝିବାକୁ ପଡ଼ିବ । ଷ୍ଟାରଲିଙ୍କ ହେଉଛି ସ୍ପେସେକ୍ସର ଏକ ସାଟେଲାଇଟ-ବେସଡ ଇଣ୍ଟରନେଟ ସର୍ଭିସ । ଏହି ସେବା ଅଧୀନରେ ସେ ଲୋ-ଆର୍ଥ ଅର୍ବିଟ (ଏଲଇଓ) ସାଟେଲାଇଟ ଜରିଆରେ ହାଇସ୍ପିଡ ଇଣ୍ଟରନେଟ ସଂଯୋଗ କରିଥାଏ । ସହଜ ଭାଷାରେ କହିଲେ, ବର୍ତ୍ତମାନ ସୁଦ୍ଧା ଆପଣଙ୍କୁ ଇଣ୍ଟରନେଟ ଅପ୍ଟିକାଲ ଫାଇବର ବା ସେଲ ଫାଇବର ଜରିଆରେ ମିଳୁଥିଲା । ଷ୍ଟାରଲିଙ୍କ ଏହି ଦୁଇଟି ଜିନିଷ ବଦଳରେ ସାଟେଲାଇଟର ବ୍ୟବହାର ଇଣ୍ଟରନେଟ ସର୍ଭିସ ଅଫର କରୁଛି ।

ଷ୍ଟାରଲିଙ୍କର ସିଧାସଳଖ ମୁକାବିଲା ପାରମ୍ପରିକ ଟେଲିକମ କମ୍ପାନୀଙ୍କ ସହିତ ହେବ ନାହିଁ । ସେ ଏକ ନୂଆ ସେଗମେଣ୍ଟରେ ଏଣ୍ଟ୍ରି କରିବ, ଯାହାକି ଭାରତରେ ନାହିଁ । ଅର୍ଥାତ ଭାରତରେ ବର୍ତ୍ତମାନ ସୁଦ୍ଧା ସାଧାରଣ ଲୋକଙ୍କ ପାଇଁ ସାଟେଲାଇଟ ଇଣ୍ଟରନେଟ ସେବା ନଥିଲା । ସେଥିପାଇଁ ଷ୍ଟାରଲିଙ୍କର ଏଣ୍ଟ୍ରି ଫଳରେର ଏୟାରଟେଲ, ଜିଓ କି ଭିଆଇ ଉପରେର ଅଧିକ ପ୍ରଭାବ ପଡ଼ିବ ନାହିଁ । ଅତିକମରେର ବର୍ତ୍ତମାନର ଅପରେସନ ଉପରେ ଷ୍ଟାରଲିଙ୍କର କୌଣସି ପ୍ରଭାବ ପଡ଼ିବ ନାହିଁ ।