ଏଣିକି ୧୬ ବର୍ଷର ପିଲା ଦେଇପାରିବେ ଭୋଟ୍: ଜାଣନ୍ତୁ କେଉଁ ଦେଶରେ ରହିଛି କେଉଁ ଆଇନ ?
1 min read
ବ୍ରିଟେନରେ ଆଗାମୀ ରାଷ୍ଟ୍ରପତି ନିର୍ବାଚନର ମତଦାନର ସର୍ବନିମ୍ନ ବୟସ ୧୮ ବର୍ଷରୁ ହ୍ରାସ କରାଯାଇ ୧୬ ବର୍ଷ କରାଯାଇଛି । ଗଣତାନ୍ତ୍ରିକ ବ୍ୟବସ୍ଥାରେ ଭାଗିଦାରିତା ବୃଦ୍ଧି ପାଇଁ ଏହି ପଦକ୍ଷେପ ଗ୍ରହଣ କରାଯାଇଥିବା ବ୍ରିଟେନର କିଏର ଷ୍ଟାର୍ମର ପକ୍ଷରୁ କୁହାଯାଇଛି । ୨୦୨୪ ଜୁଲାଇର ବ୍ରିଟେନର ସାଧାରଣ ନିର୍ବାଚନ ପୂର୍ବରୁ ବାମପନ୍ଥୀ ଲେବର ପାର୍ଟି ନିଜ ନିର୍ବାଚନୀ ପ୍ରଚାରରେ ମତଦାନ ବୟସ କମ୍ କରିବାକୁ ଘୋଷଣା କରିଥିଲା । ବ୍ରିଟେନ ବ୍ୟତୀତ ବିଶ୍ବର ଅନେକ ଦେଶରେ ମଧ୍ୟ ଭୋଟିଂର ବୟସ ୧୬ ବର୍ଷ ରହିଛି । ଏଥିମଧ୍ୟରେ ଅଧିକାଂଶ ଦେଶ ୟୁରୋପରେ ରହିଛନ୍ତି ।
ବ୍ରିଟେନ ବ୍ୟତୀତ ବ୍ରାଜିଲ, ଜର୍ମାନୀ, ଅଷ୍ଟ୍ରିଆ ପରି ଦେଶରେ ମତଦାନ ବୟସ ୧୮ ବର୍ଷରୁ କମ୍ ରହିଛି । ବ୍ରାଜିଲରେ ୧୬ ଓ ୧୭ ବର୍ଷର ନାଗରିକଙ୍କ ପାଇଁ ମତଦାନ ବିକଳ୍ପ ରହିଛି । ୧୮-୭୦ ବର୍ଷୀୟଙ୍କ ପାଇ ମତଦାନ ବାଧ୍ୟତାମୂଳକ । ୧୯୯୫ରେ ଜର୍ମାନୀରେ ମତଦାନ ସୀମା ୧୬ ବର୍ଷ କରାଯାଇଥିଲା, ମାତ୍ର କୌଣସି ରାଜ୍ୟ ଏପରି କରିନଥିଲେ । ତେବେ ସାଧାରଣ ନିର୍ବାଚନର ମତଦାନ ପାଇଁ ବୟସ ୧୮ ବର୍ଷ ରହିଛି । ଅଷ୍ଟ୍ରିଆରେ ୨୦୦୭ ସାଧାରଣ ନିର୍ବାଚନ ଓ ୨୦୦୯ ୟୁରୋପୀୟ ସଂସଦୀୟ ନିର୍ବାଚନରେ ମତଦାନ ବୟସ ୧୬ ବର୍ଷ କରାଯାଇଥିଲା । ମାଲଟାରେ ୨୦୧୫ ଠାରୁ ସ୍ଥାନୀୟ ନିର୍ବାଚନ ଓ ୨୦୧୮ ଠାରୁ ସାଧାରଣ ନିର୍ବାଚନରେ ମତଦାନ ବୟସ ୧୬ ବର୍ଷ କରାଯାଇଥିଲା । ୨୦୨୩ରେ ବେଲଜିୟମରେ ୟୁରୋପୀୟ ନିର୍ବାଚନରେ ମତଦାନ ବୟସ ୧୬ ବର୍ଷ କରାଯାଇଥିଲା । ୨୦୧୬ରେ ଗ୍ରୀସରେ ମତଦାନ ବୟସ ୧୭ ବର୍ଷ କରାଯାଇଥିଲା । ବୋସନିଆ ଓ ହର୍ଜିଗୋଭିନାରେ ୧୬ ବର୍ଷୀୟ ଚାକିରିଆ ଭୋଟ ଦେଇ ପାରିବେ । ହଙ୍ଗେରୀରେ ୧୬ ବର୍ଷୀୟ ବିବାହିତ ଭୋଟ ଦେଇ ପାରିବେ । ଇଣ୍ଡୋନେସିଆରେ ବିବାହିତ ନାଗରିକଙ୍କ ପାଇଁ କୌଣସି ଆୟୁ ସୀମା ନାହିଁ । ସେମାନେ ଯେ କୌଣସି ବୟସରେ ଭୋଟ ଦେଇ ପାରିବେ । ଅନ୍ୟ ନାଗରିକଙ୍କ ପାଇଁ ମତଦାନ ସୀମା ୧୭ ବର୍ଷ ରହିଛି । ପୋଲିସ ଓ ସେନାଙ୍କର ମତଦାନ ଅଧିକାର ନାହିଁ । ଭାରତରେ ଭୋଟିଂ ପାଇଁ ସର୍ବନିମ୍ନ ବୟସ ୧୮ ବର୍ଷ ରହିଛି ।
