ଋଣ ଟଙ୍କା ସୁଝି ନପାରି ମୁଣ୍ଡଳି ସ୍ଥିତ ମହାନଦୀକୁ ଡେଇଁଲେ ଯୁବକ

ନନ୍ଦିଘୋଷ ବ୍ୟୁରୋ :  ଋଣ ସୁଝି ନପାରି ନଦୀକୁ ଡେଇଁ ଆତ୍ମହତ୍ୟା। ଋଣ ନ ସୁଝି ପାରିବାରୁ ମହାନଦୀକୁ ଡେଇଁ ଆତ୍ମହତ୍ୟା କରିଛନ୍ତି ଜଣେ ବ୍ୟକ୍ତି। କଟକ ମୁଣ୍ଡଳୀ ନିକଟସ୍ଥ ମହାନଦୀ ବ୍ରିଜ ଉପରେ ଘଟିଛି ଏ ଘଟଣା। ଆତ୍ମହତ୍ୟା କରିଥିବା ଯୁବକଙ୍କ ଘର ସିଡ଼ିଏ ସେକ୍ଟର ୧୦ ମର୍କତ ନଗର ଅଞ୍ଚଳରେ। ତାଙ୍କ ନାମ ହେମନ୍ତ ସାହୁ ବୋଲି ଜଣାପଡ଼ିଛି। ହେମନ୍ତ ଧୂପକାଠି ବ୍ୟବସାୟ କର ପରିବାର ଗୁଜୁରାଣ କରୁଥିଲେ।  ବ୍ୟାଙ୍କ କର୍ମଚାରୀ ଟଙ୍କା ମାଗିଥିଲେ। ହେଲେ ହେମନ୍ତ ଟଙ୍କା ନଦେଇ ପାରିବାରୁ ବ୍ୟାଙ୍କ କର୍ମଚାରୀମାନେ ତାଙ୍କୁ ଗାଳି ଗୁଲଜ କରିଥିବା ଅଭିଯୋଗ ହୋଇଛି। ସେ ଲୋକଲଜ୍ଜା ସହ୍ୟ କରିନପାରି ଆତ୍ମହତ୍ୟା କରିଥିବା ପରିବାର ଲୋକଙ୍କ ପକ୍ଷରୁ ଅଭିଯୋଗ କରାଯାଇଛି। ଖବର ପାଇ ଘଟଣାସ୍ଥଳରେ ପୋଲିସ ପହଁଚି ଗାଡ଼ିକୁ ଜବତ କରି ଖୋଜା ଖୋଜି ଜାରି ରଖିଛି।