ଅପରେସନ ସିନ୍ଦୂର : ଚୀନ୍ ସ୍ୱୀକାର କଲା, କିନ୍ତୁ ପାକିସ୍ତାନ ଏବେ ବି ନିର୍ଲଜ୍ଜ ଭାବରେ ଅସ୍ୱୀକାର କରୁଛି

ନନ୍ଦିଘୋଷ ବ୍ୟୁରୋ : ଅପରେସନ୍ ସିନ୍ଦୂର ବିଷୟରେ ଏକ ବଡ଼ ସତ୍ୟ ସାମ୍ନାକୁ ଆସିଛି। ଏହି ଅପରେସନରେ ପାକିସ୍ତାନକୁ ଚୀନ୍ ଠାରୁ ସାହାଯ୍ୟ ମିଳିଥିଲା। ଏହି ସତକୁ ଚୀନ କରିଛି । ଚୀନ୍ ଏହାକୁ ବିଶ୍ୱ ସମ୍ମୁଖରେ ଗ୍ରହଣ କଲା କିନ୍ତୁ ପାକିସ୍ତାନ ଏହି ସମ୍ପୂର୍ଣ୍ଣ ସତ୍ୟରୁ ମୁହଁ ଫେରାଇ ନେଉଛି ଏ । କହୁଛି, କୌଣସି ପ୍ରକାରର ବାହ୍ୟ ସାହାଯ୍ୟ ମିଳିନାହିଁ। ପ୍ରଶ୍ନ ହେଉଛି ପାକିସ୍ତାନ କାହାକୁ ଠକୁଛି, ବିଶ୍ୱକୁ ନା ନିଜକୁ?

ସୋମବାର ଦିନ ବେଜିଂରେ ଏକ ସାମ୍ବାଦିକ ସମ୍ମିଳନୀରେ, ଯେତେବେଳେ ଚୀନ୍ ବୈଦେଶିକ ମନ୍ତ୍ରଣାଳୟର ମୁଖପାତ୍ର ମାଓ ନିଙ୍ଗ୍‌ଙ୍କୁ ପଚରାଗଲା, ଭାରତ-ପାକ୍ ବିବାଦ ସମୟରେ ଚୀନ୍ ପାକିସ୍ତାନକୁ ସାମରିକ ସହାୟତା ପ୍ରଦାନ କରିଥିଲା ​​କି ? ଏହି ବିବୃତ୍ତିରେ ମାଓ ନିଙ୍ଗ୍ ସ୍ପଷ୍ଟ ଭାବରେ ସ୍ୱୀକାର କରିଛନ୍ତି ଯେ, ଚୀନ୍ ଓ ପାକିସ୍ତାନ ମଧ୍ୟରେ ସାମରିକ ସହଯୋଗ ଜାରି ରହିଛି ଓ ଏହା ଭାରତ-ପାକ୍ ବିବାଦ ସମୟରେ ମଧ୍ୟ ଜାରି ରହିଥିଲା। ସେ ଏହା ମଧ୍ୟ କହିଛନ୍ତି ଯେ ଭାରତ ଓ ପାକିସ୍ତାନ ଉଭୟ ଚୀନ୍‌ର ଗୁରୁତ୍ୱପୂର୍ଣ୍ଣ ପଡ଼ୋଶୀ, ଚୀନ୍‌ ଚାହୁଁଛି ଯେ ଉଭୟଙ୍କ ମଧ୍ୟରେ ସମ୍ପର୍କ ସ୍ଥିର ରହୁ।

କିନ୍ତୁ ଏହି ଖୁଲାସା ପରେ ପାକିସ୍ତାନ ପଛକୁ ହଟିଯାଇଛି। ପାକିସ୍ତାନ ସେନା ମୁଖ୍ୟ ଅସୀମ ମୁନିର ଜଣେ ବରିଷ୍ଠ ଭାରତୀୟ ସେନା ଅଧିକାରୀଙ୍କ ବୟାନକୁ ପ୍ରତ୍ୟାଖ୍ୟାନ କରିଛନ୍ତି, ଯେଉଁଥିରେ କୁହାଯାଇଛି ଯେ ଅପରେସନ ସିନ୍ଦୁର ସମୟରେ ପାକିସ୍ତାନକୁ ଚୀନରୁ ସମର୍ଥନ ମିଳିଥିଲା।ଅସୀମ ମୁନିର ଏହାକୁ ତଥ୍ୟଗତ ଭାବରେ ଭୁଲ ବୋଲି କହିଥିଲେ  । ସେ କହିଥିଲେଏପରି ମନ୍ତବ୍ୟ ପାକିସ୍ତାନର ସ୍ୱଦେଶୀ କ୍ଷମତା ଓ ଶକ୍ତିକୁ ଅସ୍ୱୀକାର କରିବାର ଅଭ୍ୟାସକୁ ପ୍ରତିଫଳିତ କରେ।

ତାଙ୍କ ବିବୃତ୍ତିରେ ସେ କହିଛନ୍ତି, ଅପରେସନ୍ ବୁନୟାନ-ଉଲ୍-ମାର୍ସୁସ୍ ସମ୍ପୂର୍ଣ୍ଣ ଭାବରେ ପାକିସ୍ତାନର ସାମରିକ ପ୍ରସ୍ତୁତି ଓ ରଣନୈତିକ ଚିନ୍ତାଧାରାର ଫଳାଫଳ ଥିଲା। କୌଣସି ବିଦେଶୀ ଦେଶର ଭୂମିକା ଦାବି କରିବା ଦାୟିତ୍ୱହୀନ। ଏହି ଦୋମୁହାଁ ନୀତି ମଧ୍ୟରେ, ଚୀନର ବିବୃତ୍ତି ନିଜେ ପାକିସ୍ତାନର ମିଛକୁ ପର୍ଦ୍ଦାଫାସ୍ କରିଛି। ଗ୍ଲୋବାଲ୍ ଟାଇମ୍ସ ଭଳି ଚୀନ୍ ସରକାରୀ ଗଣମାଧ୍ୟମ ପ୍ଲାଟଫର୍ମ ମଧ୍ୟ ଚୀନ୍ ଏବଂ ପାକିସ୍ତାନ ମଧ୍ୟରେ ପ୍ରତିରକ୍ଷା ସହଯୋଗକୁ ସ୍ୱୀକାର କରିଛି।