ବିପଦ ସଂକେତ ତଳେ ସୁବର୍ଣ୍ଣରେଖା, ବୁଢାବଳଙ୍ଗ ଓ ଜଳକା

ନନ୍ଦିଘୋଷ ବ୍ୟୁରୋ: ଜଳସଂପଦ ପ୍ରୋକ୍ୟୁରମେଣ୍ଟ ବିଭାଗର ସର୍ବୋଚ୍ଚ ଯନ୍ତ୍ରୀ ସାଗର ମହାନ୍ତି କହିଛନ୍ତି, ସୁବର୍ଣ୍ଣରେଖା, ବୁଢାବଳଙ୍ଗ ଓ ଜଳକା ବିପଦ ସଂକେତ ତଳେ ଅଛନ୍ତି। ଝାଡ଼ଖଣ୍ଡରେ ଯେଉଁ ଘୁର୍ଣ୍ଣିବଳୟ ହୋଇଛି, ତାହା ମହାନଦୀ ଓ ବୈତରଣୀ ବେସିନର ଉପରମୁଣ୍ଡରେ ବର୍ଷା କରାଯିବ। ହୀରାକୁଦ ପାଇଁ ବିପଦ ନାହିଁ। ବ୍ରାହ୍ମଣୀ ପାଇଁ ଵି ରେଙ୍ଗାଳି ଓ ହୀରାକୁଦ ଜଳ ଧାରଣ ପାଇଁ ପ୍ରସ୍ତୁତ ଅଛି। ବୈତରଣୀ ଉପରମୁଣ୍ଡରେ ବର୍ଷା ହେବ। ତେବେ ଗାଁ ଭିତରୁ ପାଣି ଛାଡ଼ୁନି। ଅସମୟରେ ପାଣି ଆସିଲା। ତେବେ ଖୁବ ଶୀଘ୍ର ଏହା ସମୁଦ୍ରକୁ ଯିବାର ଆଶା ଅଛି।

ଝାଡ଼ଖଣ୍ଡର ଚାନ୍ଦିଲିର ୬ ଟି ଗେଟ ଦେଇ ଜଳ ନିଷ୍କାସନ ହେଉଛି। ବର୍ଷା ବଢ଼ୁଛି। କେଉଁ ମାସ କେତେ ବର୍ଷା ଆକଳନ କରି ହେଉନି। ଗତ ମାସ ମୟୂରଭଞ୍ଜରେ ସ୍ୱାଭାବିକ ଠାରୁ ଅଧିକ ବର୍ଷା ହୋଇଛି। ଘାଇ କେଉଁଠି ଵି ହୋଇନି। ବର୍ଷା ସବୁଠି ଅଧିକ ହେଉନି। ମହାନଦୀ ଅବବାହିକାରେ ୬୦ ମିଲିମିଟର ଓ ବ୍ରାହ୍ମଣୀରେ ୩୦ ମିଲିମିଟର ବର୍ଷା ହୋଇଛି। ଏକକାଳୀନ ଉପର ଓ ତଳ ମୁଣ୍ଡରେ ବର୍ଷା ସହିତ ବାଦଲ ଫାଟିଲେ ବନ୍ୟା ହେବ। ତେବେ ଵାଦଲ ଫଟା ବର୍ଷାର ସମ୍ଭାବନା ନାହିଁ। ଡ୍ୟାମର ଅବବାହିକାରେ ବର୍ଷା ଉପରେ ନିର୍ଭର କରିବ ବନ୍ୟାରେ ସ୍ଥିତି।