ରୋଜଗାରର ମାଧ୍ଯମ ସାଜିଛି ଅଦରକାରୀ କାଗଜ

ଆନନ୍ଦପୁର : ଅଦରକାରୀ ବସ୍ତୁରେ ସୁନ୍ଦର ସୁନ୍ଦର କଳାକୃତି । ଅଦରକାରୀ କାଗଜରୁ ମଣ୍ଡ ପ୍ରସ୍ତୁତ କରି ସେଥିରୁ ବିଭିନ୍ନ ଘର କରଣା ଜିନିଷ ତିଆରି କରି ସ୍ଵାବଲମ୍ବୀ କେନ୍ଦୁଝର ଜିଲ୍ଲା ଘଷିପୁରା ବ୍ଲକ ବଳରାମପୁର ପଞ୍ଚାୟତ ସରେଇଁ ଗାଁର ୨୦ ଜଣ ମହିଳା । ରାଜ୍ଯ ହସ୍ତ ଶିଳ୍ପ ନିର୍ଦ୍ଦେଶାଳୟ ତରଫରୁ  ଜିଲ୍ଲା ସହକାରୀ ହସ୍ତଶିଳ୍ପ ନିର୍ଦ୍ଦେଶକଙ୍କ ସଂଯୋଜନାରେ ୪ ମାସିଆ ପ୍ରଶିକ୍ଷଣ ନେଇ ସଉକିନ ଜିନିଷ ତିଆରି କରୁଛନ୍ତି ।

ମହିଳା ମାନେ ଅଦରକାରୀ କାଗଜ ଓ ଚକଗୁଣ୍ଡ ସାହାର୍ଯ୍ଯରେ ବିଭିନ୍ନ ପ୍ରକାର ଘର ଉପକରଣ ତିଆରି କରୁଛନ୍ତି । ତିଆରି କରୁଥିବା ଜିନିଷ ଓରମାସ୍ ସହାୟତାରେ ଜିଲ୍ଲା ତଥା ଜିଲ୍ଲା ବାହାରେ ବିଭିନ୍ନ ମେଳାରେ ଷ୍ଟଲ ଲଗାଇ ବିକ୍ରି କରାଯାଉଛି । ମହିଳାଙ୍କ ହାତ ତିଆରି କାଗଜ ମୂଖାର ନିଖୁଣ କାରିଗରୀ ପାଇଁ ସବୁଆଡୁ ବେଶ ପ୍ରଶଂସା ମିଳୁଛି  । ଘର କାମ ସାରିବା ପରେ ସ୍ଵଳ୍ପ ପରିଶ୍ରମ କରି ମହିଳା ମାନେ ବେଶ ଦୁଇ ପଇସା ରୋଜଗାର କରିପାରୁଛନ୍ତି ।