ଅହମଦାବାଦ ବିମାନ ଦୁର୍ଘଟଣା: ଏୟାର ଇଣ୍ଡିଆ ଓ ବୋଇଂ ବିରୋଧରେ କୋର୍ଟ ଯିବେ ପୀଡ଼ିତ ପରିବାର

ଅହମଦାବାଦ / ଲଣ୍ଡନ: ଜୁନ୍ ୧୨ରେ ହୋଇଥିବା ଏୟାର ଇଣ୍ଡିଆ ୧୭୧ ବିମାନ ଦୁର୍ଘଟଣାର ଦୁଃଖ ଆଜି ବି ମନରୁ ଲିଭିନି । ତେବେ ଏହା ମଧ୍ୟରେ ଏହି ଘଟଣାକୁ ନେଇ ଏକ ନୂଆ ଅପଡେଟ୍ ଆସିଛି । ବ୍ରିଟେନରେ ରହୁଥିବା ମୃତକଙ୍କ ପରିବାର ଏୟାର ଇଣ୍ଡିଆ ଓ ବୋଲିଂ ବିରୋଧରେ ୟୁକେର ଅଦାଲତରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରିବା ନେଇ ବିଚାର କରୁଛନ୍ତି । ସମ୍ଭାବିତ ମକଦ୍ଦମା ଦାୟର କରିବା ଉଦ୍ଦେଶ୍ୟରେ ବ୍ରିଟେନରେ ରହୁଥିବା ପୀଡ଼ିତ ପରିବାର ଲଣ୍ଡନର କୀଷ୍ଟୋନ ନାମକ ଆଇନ ଫାର୍ମ ସହିତ କଥାବାର୍ତ୍ତା କରୁଛନ୍ତି ।

ଏହି ମକଦ୍ଦମା ମୁଖ୍ୟତଃ ସହାୟତା ରାଶି ବୃଦ୍ଧି ଦାବିକୁ ନେଇ ହୋଇପାରେ । ଏୟାର ଇଣ୍ଡିଆ ୧୭୧ ଦୁର୍ଘଟଣାରେ ନିଜର ପରିଜନଙ୍କୁ ହରାଇଥିବା ପରିବାର ସଦସ୍ୟଙ୍କୁ କୀଷ୍ଟୋନ ଲ’ ପକ୍ଷରୁ ପରାମର୍ଶ ଦିଆଯାଉଛି । ସୂତ୍ର ମୁତାବକ, ଚଳିତ ସପ୍ତାହରେ ୟୁକେରେ ରହୁଥିବା କିଛି ପରିବାର ଏକତ୍ର ବୈଠକ କରିବାକୁ ସ୍ଥିର ରହିଛନ୍ତି, ଯେଉଁଥିରେ କି ଆଇନଗତ ରଣନୀତି ଉପରେ ଚର୍ଚ୍ଚା ହେବ । ଏହି ବୈଠକ ପରେ ପରବର୍ତ୍ତୀ ପଦକ୍ଷେପକୁ ନେଇ କୌଣସି ଠୋସ୍ ନିଷ୍ପତ୍ତି ନିଆଯିବ ।