ଇରାନ ଯୁଦ୍ଧ ପରେ ଗ୍ୟାସ ଦର ବୃଦ୍ଧି ଆଶଙ୍କା !

ନନ୍ଦିଘୋଷ ବ୍ୟୁରୋ: ଇରାନ ଯୁଦ୍ଧ ପାଇଁ ସାରା ବିଶ୍ଵ ଚିନ୍ତାରେ। କାରଣ ଏହା ଦ୍ଵାରା ବିଶ୍ଵ ବଜାରରେ ଗ୍ୟାସ୍ ଦର ବଢ଼ିବାର ଆଶଙ୍କା ଅଛି । ଇରାନ ଏବଂ ଇସ୍ରାଏଲ ମଧ୍ୟରେ ଚାଲିଥିବା ଯୁଦ୍ଧର ପ୍ରଭାବ ଆପଣଙ୍କ ରୋଷେଇ ଘରେ ମଧ୍ୟ ଦେଖିବାକୁ ମିଳିବ। ଆଗାମୀ ସମୟରେ ଦେଶରେ ଏଲପିଜି ସିଲିଣ୍ଡରର ମୂଲ୍ୟ ବୃଦ୍ଧି ପାଇପାରେ ବୋଲି ଆଶଙ୍କା କରାଯାଉଛି। ମଧ୍ୟପ୍ରାଚ୍ୟରେ ବଢ଼ୁଥିବା ଉତ୍ତେଜନାର ପ୍ରଭାବ ସିଲିଣ୍ଡରର ମୂଲ୍ୟ ଉପରେ ଦେଖାଯାଇପାରେ କାରଣ ଦେଶରେ ପ୍ରତି ୩ଟି ଏଲପିଜି ସିଲିଣ୍ଡର ମଧ୍ୟରୁ ୨ଟି ପଶ୍ଚିମ ଏସିଆରୁ ଆସିଥାଏ ।

ଏକ ରିପୋର୍ଟ ଅନୁଯାୟୀ ଇରାନର ପରମାଣୁ ସ୍ଥାନ ଉପରେ ଆମେରିକାର ଆକ୍ରମଣ ଯୋଗୁଁ ବିଶ୍ୱର ସର୍ବବୃହତ ତୈଳ ଉତ୍ପାଦନକାରୀ କ୍ଷେତ୍ର ପଶ୍ଚିମ ଏସିଆରୁ ଯୋଗାଣ ବାଧାପ୍ରାପ୍ତ ହେବାର ଆଶଙ୍କା ସୃଷ୍ଟି ହୋଇଛି । ଇରାନ ହେଉଛି ବିଶ୍ଵର ଅନ୍ୟତମ ପ୍ରମୁଖ ତେଲ ରପ୍ତାନୀକାରୀ ଦେଶ। ଏହା ସହିତ ହୋର୍ମୁଜ ପ୍ରଣାଳୀକୁ ବନ୍ଦ କରିବାକୁ ନିଷ୍ପତ୍ତି ନେଇଛି ଇରାନ। ଏହା ଦ୍ଵାରା ଅଶୋଧିତ ତେଲ ଦର ପରିବହନ ବାଧାପ୍ରାପ୍ତ । ଯଦି ଆମେ ଗତ ୧୦ ବର୍ଷ ମଧ୍ୟରେ ଭାରତରେ ଏଲପିଜି ବ୍ୟବହାର ଦେଖିବା ତାହେଲେ ଏହା ଦୁଇଗୁଣରୁ ଅଧିକ ହୋଇଛି, ବର୍ତ୍ତମାନ ଏଲପିଜି ୩୩ କୋଟି ଲୋକଙ୍କ ଘରେ ପହଞ୍ଚିଛି । ପ୍ରାୟ ୬୬% ଏଲପିଜି ବିଦେଶରୁ ଆସେ ଏବଂ ଏହାର ୯୫% ସାଉଦି ଆରବ, ୟୁଏଇ ଏବଂ କତାର ପରି ପଶ୍ଚିମ ଏସୀୟ ଦେଶଗୁଡ଼ିକରୁ ଆସେ। ପେଟ୍ରୋଲିୟମ ମନ୍ତ୍ରଣାଳୟର ତଥ୍ୟ ଅନୁଯାୟୀ, ଭାରତରେ ଏଲପିଜି ସଂରକ୍ଷଣ କେବଳ ୧୬ ଦିନର ବ୍ୟବହାର ପାଇଁ ଥାଏ ଯାହା ଆମଦାନୀ ଟର୍ମିନାଲ, ରିଫାଇନାରୀ ଏବଂ ବଟଲିଙ୍ଗ ପ୍ଲାଣ୍ଟରେ ସୁରକ୍ଷିତ ରହିଥାଏ।

ଅଧିକ ପେଟ୍ରୋଲ କିଣିବାର ଆବଶ୍ୟକତା ନାହିଁ

ତଥାପି, ପେଟ୍ରୋଲ ଏବଂ ଡିଜେଲ କ୍ଷେତ୍ରରେ ଭାରତର ସ୍ଥିତି ବହୁତ ଭଲ। ଭାରତ ଉଭୟର ଏକ ନିଟ୍ ରପ୍ତାନିକାରୀ, ଅର୍ଥାତ୍, ଆମେ ଉତ୍ପାଦିତ ପେଟ୍ରୋଲର ୪୦% ଏବଂ ଡିଜେଲର ୩୦% ରପ୍ତାନି କରିଥାଉ। ଆବଶ୍ୟକ ହେଲେ, ଏହି ରପ୍ତାନି ପରିମାଣକୁ ଘରୋଇ ବଜାରକୁ ସ୍ଥାନାନ୍ତରିତ କରାଯାଇପାରିବ। ରିଫାଇନାରୀ, ପାଇପଲାଇନ, ଜାହାଜ ଏବଂ ନ୍ୟାସନାଲ ଷ୍ଟ୍ରାଟେଜିକ୍ ପେଟ୍ରୋଲିୟମ୍ ରିଜର୍ଭ (SPR) ରେ ଅଶୋଧିତ ତେଲ ପାଇଁ ୨୫ ଦିନର ଷ୍ଟକ୍ ଅଛି।

ସତର୍କ ରହିବାର ଆବଶ୍ୟକତା ଅଛି

ଏହି ପରିସ୍ଥିତିରେ ଯଦିଓ ଆପଣ ଏବେ ଅର୍ଡର କରନ୍ତି, ତେବେ ଡେଲିଭରି ଆସନ୍ତା ମାସରେ କିମ୍ବା ପରେ ଆସିବ। ଆମର ଅତିରିକ୍ତ ସଂରକ୍ଷଣ କ୍ଷମତା ମଧ୍ୟ କମ୍ ଅଛି। ଯେତେବେଳେ ବାଧାପ୍ରାପ୍ତ ହେବାର ଆଶଙ୍କା କମ୍ ଥାଏ, ସେତେବେଳେ ଅଧିକ କିଣିବା ଏବଂ ଟଙ୍କା ବିନିଯୋଗ କରିବାର କୌଣସି ଅର୍ଥ ନାହିଁ । ସତର୍କ ରହିବା ଏବଂ ଘରୋଇ ଗ୍ରାହକମାନଙ୍କୁ ସୁରକ୍ଷା ଦେବା ଗୁରୁତ୍ୱପୂର୍ଣ୍ଣ ଅଟେ । ତୈଳ ମୂଲ୍ୟ ବୃଦ୍ଧି ସ୍ୱଳ୍ପକାଳୀନ ସମୟରେ ରିଫାଇନର୍ସଙ୍କ ମାର୍ଜିନକୁ ପ୍ରଭାବିତ କରିପାରେ, କିନ୍ତୁ ପେଟ୍ରୋଲ ଏବଂ ଡିଜେଲର ଖୁଚୁରା ମୂଲ୍ୟରେ ପରିବର୍ତ୍ତନ ହେବାର ଆଶା କରାଯାଉ ନାହିଁ। ସରକାରୀ ତୈଳ ବିପଣନ କମ୍ପାନୀଗୁଡ଼ିକ ଗତ ୩ବର୍ଷ ଧରି ମୂଲ୍ୟ ସ୍ଥିର ରଖିଛନ୍ତି ଏବଂ ବିଶ୍ୱ ବଜାରରେ ଉତ୍ଥାନ-ପତନ ସତ୍ତ୍ୱେ ଏହା ଜାରି ରହିବ।